Dr. แนฌial Chin Par แนฌial Ku hi Butler University ah Doctor of Pharmacy in kum 6 a kai hnu ah ni kum 2022 ah tlamtling te in a kan dih piak.
US ram ah a hmet te a phan mi si nain Lai holh le Laica zong a thiam i Sunday School kai hrim hrim hi a rak fel tuk. Mi upat thiam i nu le pa lunglawmhtertu fanu fim ngai ngai asi. Mino cawlcanghnak zong ah mifel asi. Dr degree a lak hlan te in rian an pek cang i Dr nih prescription an pek mi hna felfai in a zoh feltu rian a tuan lio asi. A tapa zong hmai kum ah cawng saya buaih in a dih ve la tiah apa nih a ka chim.
Pu Lai Er le Pi Iang Hlei Sung an fanu si i Zophei tlang Zephai an si in ka ruah (ka palh kho men).
A nulepa hi cathiam le hawi bang mifim an si lo nain an fa le hi Biakinn phanhpi lo hrim a duh bak lo mi an si.
Bawipa แนญih cu fimnak hram thawknak asi. Chindianapolis ah hin kan Mino mifim cathiam thiam tampi an um i a caan can tete ah langter khawh pah ka von i zuam te la.Crd.Salai Cung Khenglawt
Myaing Khua Pawng Ah SAC Ralkap Bomb Puahhnawh An Ton Caah 3 An Thi.Magway ramแนญhen, Myaing khua pawng ah ralven ding in a kalmi SAC ralkap 5 cu bomb in kan puahhnawh hna caah 3 an thi, tiah Myaing Pah Kah Phah in แนญuanbo ngeitu pakhat nih a chim.
February ni 25 zing suimilam 7:20AM ah Myaing khua nitlaklei farlong pakhat tluk a hlatnak ah ralven ding in a kalmi SAC ralkap 4 le pyusawhti 1 cu Myaing Pah Khah Phah, Companny 4 nih bomb in an puahhnawh hna caah ralkap 3 an thi i a taangmi 2 cu Myaing khua lei ah an zaam tiah theih a si.
A thimi SAC ralkap ruak 3 cu ralkap tampi nih an rak laak hna i an thi le an hnai vialte cu bengkeng hnah in an hnawh dih. An แนญih tuk caah bomb puahhnawh an tonnak hmun pawngkam cu meithal in an kah, tiah Myaing Pah Kah Phah sin in theih a si.The Chin Post
Leave a Reply