CNO/CNDF Vice President – 1 Pu Ho Khaw Zam mual a liam

CNO/CNDF Vice President – 1 Pu Ho Khaw Zam mual a liam

CNO/CNDF ah Vice President-1 a si mi Pu Ho Khaw Zam cu nihin March 7, zaanlei ah mual a liam tiah theih a si.

“Tu zanlei ah damlonak in mual a kan liam taak. Na pumpeknak cung ah kan in upat zungzal lai,” tiah CNO/CNDF upa pakhat nih social media ah a langhter.TheHakhaPost

Kalaymyo In Chinram Lei Ah SAC Ralkap An Kai Caah Zeitik Caan Paoh Ah Kahdohnak A Chuak Kho —- PDF-Zoland.Sagaing ramṭhen Kalaymyo in Chinram lei ah SAC Ralkap ke in an hung kai caah zeitik caan paoh ah kahdohnak a chuak kho tiah mipi ralkap PDF-Zoland nih nihin March ni 7 ah mipin sin ah ralrin peknak thawng an thanh tiah kan theih.

SAC Ralkap nih an zulmi lam Taingen – Tedim lampi cung ah zeitik caan paoh ah kahdohnak a chuah khawh caah khualtlawn lamlit, lo kal le ram kal tibantuk i ralrin ding in PDF-Zoland nih mipi sin ah thawng an thanh tiah theih a si.

SAC Ralkap hna cu Kalaymyo khuacuanhnak hmun in Chinram lei ah ke in an kai caah mipi khualtlawngmi hna nih a hlei in ralrin an herh tiah PDF-Zoland in ṭuanvo ngeitu pakhat nih a chim tiah kan theih.

PDF-Zoland cu Chin ramkulh, Tedim peng chung ah a cawlcang i SAC ralkap a dohtu an si tiah theih a si.Ref: People’s Spring