CNDF nih Vaar SAC ralkap camp an laak,

CNDF nih Vaar SAC ralkap camp an laak, SAC lei 10 leng an thi i a nung in 14 an tlaih hna CNDF ralkap pakhat nih ram ca ah nunnak a pek

Chin National Defence Force (CNDF) nih tu zing suimilaam 5:00 hrawng in Vaar SAC ralhraang camp cu an kah i an laak khawh tiah kan theih.

Cu camp laak kahdohnak cu suimilaam pakhat le minute 45 hrawng a rau i SAC lei in 10 leng an thi, SAC ralkap a nung in 14 an tlaih hna pin ah hriamnam le kuanzen tampi an laak khawh. CNDF ralkap pakhat nih ram le miphun ca ah a nunnak a pek tiah kan theih.

Hi kong he pehtlai in tualchung mi pakhat nih, โ€œSakhan cu an lak khawh. A nung in an tlaih mi zong an tam. An thah khawh mi zong an tam i hriamnam zong tampi an laak khawh. SAC Jet fighter zong nih bomb a rak thlak,โ€ tiah THP ah a chim.

Camp an lak khawh hnu in CNDF ralkap nih an khangh i SAC jet vanlawng nih bomb a rak thlak hna. A tlawm bik bomb voi 4 an thlak i Falam khua SAC ralhraang pawl nih miakpi zong in an rak kah hna tiah kah theih.

Vaar SAC camp cu Falam hrambunh Kha-La-Yah 268 kuttang ah a um mi camp a si i ralkap 30 hrawng nih an hngah mi camp a si. Tu tan camp laak kahdohnak ah CNDF nih ralhraang pawl an meithal zong an laak khawh dih tiah kan theih.
Photo: Hmanthlak hlun a si.
TheHakhaPost

Be the first to comment

Leave a Reply

Your email address will not be published.


*