Hlawhtlin timi hi a tam-u cu lamphawk “shortcut” in an rak ngah lo. Thil lianngan hlawhtlinnak hoi hna cu; nunnak, caantha, ngeihchiah le tuaktan khawhnak khuaruahnak dihlak i phum cikcek an rak hau. I thawk hnu kum sarih hna an hlawh a rak tling. ChinTube an channel i a hramthawk bik video tete hna zoh tikah a thiam theng lemlo mi hla-aw hna le atulio Technology mit zoh cun quality tha theng lo mi video tawi tete hna in a rak thawk ko. Lungdong lo tein a thang iahmah i kum sarih hnu ahcun vawlei nih theih mi Chin mi le kan Artist hna he ChinTube a cuang hlei. Zohchuntlak hlawhtlinnak an hmu.
Minung kan nunnak ahhin thiltha lei ah a thangcho i lungdong lo tein a pehzulh mi “Consistency” minung hna cu ni khatkhat ah hlawhtlinnak hualvan nih a tlak hna i hla fungkhat te, capar pakhat te, thil hmuhchuah mi pakhat te hna nih khin van ah a cawi ko hna. Cu minung hna cu phorhlawt zong an hmang lemlo. Harnak le retheihnnak in hlawhtlinnak an ton mi vialte nih “ka tuah mi, ka ti mi, ka ta mi” ti loin Bawipa thawngin tiah a titer khawh hna.
Nihin dohthlennak zong hi hitihin ka hmuh. Lungdongh lo kong tlang a rak au tu cheukhat zong an uaihnang pah cang rua. Dohthlennak zong hi “shortcut” in tei a ngah lo. Hlawhtlinnak hmetuai pakhat hmanh pei a kumkum zuamnak, peknak, harnak le retheihnak in thlen a si cu. Ram pakhat ve ngengmang. A fawi lo. Kumhnih lawng a si rih. Cu ca ah, hehchet kan ti a hau ko.
Kei zong hlawhtlinnak hmete a hmu mi ka si ve bal. Zuamnak, peknak hnu ah theipar zunnak ah a um kha fiang ngai in ka hngalh. Careltu hawidawt zong na si ve theo lai. Cathiang zong nih “Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai” a ti [1 Peter 5:1, 2 Timothy 2:7-13]. Mirang phungchim thiam pawl nih “No Cross, No Crown” an ti.
Kan lungthawng ko seh. Kan thachiat sual zong ah kan lungdong hlah seh. Happy Sunday. Note: I pum bak loin ka sermon. Crd.Lengkawite
Video https://m.youtube.com/watch?v=5OTURLaj9Ec&feature=youtu.be
Leave a Reply