CBCUSA CDF supporting committee nih CDF minhman in akawl mi phaisa vialte cu kan Lairalkap CNA ca zong

CBCUSA CDF supporting committee nih CDF minhman in akawl mi phaisa vialte cu kan Lairalkap CNA ca zong ah acheu 50% bak te i hmang seh tiah BT meeting ah biachah nak an ngeih ko mi ruah nak cu khuaruah har asi ko. Bawipa zong nih acohlan hrim lai. CDF supporter vialte le ape tu pawl zong nih a cohlan zia thiam uhsih.

Laimi vialte kan thlacam nak zong Bawipa nih acaan zat in akan Leh te ko lai. Kumkhat chung hna i meithal kan duhzat kan cawk khawh lai timi ruahnak hna hi cu tlen kan hau.Online ah hruhru hranghrang chimrel caan asi lo.Mah le tuahkhawh mi cio tuan le tuah tukha Raltei nak asi deuh lai.Crd.Shiang Kung

Magway Vanlawngtual Pawng Um Inn 100 Hrawng SAC Ralkap Nih Hramhram In An Hrawhter Hna

“Magway ramṭhen, Magway Aungzeya sang vanlawng tual pawng ah khuasami inn 100 hrawng cu SAC chungtel hna le sang khuabawi hna nih hramhram in an kan thawnter caah sangchung mi cu harnak kan tong ko” tiah Aungzeya sangchung um mi nih an chim.

“Magway vanlawngtual kam ah a ummi hi a tam deuh cu NLD an si caah hramhram in an thawnter hna. SAC he i rem ngaiin a um mi cu 10 hrawng lawng an si, cu hna cu an thawnter hna lo. Atu lio cu mizei paoh harnak ton lio a si caah kan umnak an kan thawnter ah hin cun kan har chinchin ko lai. A ralaimi April ni 3 khi a hnubik ah chia in i thawh dih ding in nawl an chuah” tiah sangchung ummi pakhat nih a chim.

SAC nih an thawntermi hna inn ah hin sang khuabawi inn cu relhpiak loin, mipi kan umnak inn lawng thawn ding in an kan ti tiah sangchung khuasa mipi hna sin in theih a si.

Cun, Yangon Mingalardung peng Mingalardung cargate kam ummi dawr-khaan 100 hrawng cu SAC ralkap nih March ni 28 hnu bik chia in an kan thawnter tiah dawr-khaan ngeitu hna nih an chim.

“Mingalardung cargate kam ummi dawr-khaan hna cu a hnu bik March ni 28 ah nan i thawn dih lai an kan ti, cu ni i kan i thawn lo a si ahcun dawr-khaan hrawhnak ca i a dih ding vialte dawr ngeitu nih nan liam lai an kan ti. Dawr-khaan mei hna cu Engineering, Procurement and Construction (EPC) nih an kan hrawhpiak cang. Kan dawr-khaan hna hi a luancia kum hra hrawng ah sing 200-300MMK in kan rak cawk ciomi a si. March ni 28 tiang ah dawr-khaan kan hrawh lo a si ahcun kanmah dawr-khaan an kan hrawhpiaknak ding ca phaisa liam a hau” tiah dawr-khaan ngeitu pakhat nih a chim.The Chin Post