Benjamin Sum Cu Aadhar Card le Bike Registration Kongkau Ah Fak Ngai In Social Media Ah Soisel A Tong!

Benjamin Sum Cu Aadhar Card le Bike Registration Kongkau Ah Fak Ngai In Social Media Ah Soisel A Tong!

Myanmar Idol in Myanmar mizapi theihhngalh mi hlasakthiam Benjamin Sum cu India ramchung ummi hna chinchiahnak Aadhar card kongkau ah le amah min in motorcycle registration tuahnak kongkau ah fak ngai in Mizoram chung social media ah soisel a tong. Benjamin Sum hi ralzam dirhmun in Aizawl ah aa dor mi a si lio ah Motorcycle registration hal ding hin India ramchungmi hna chingchiahnak Aadhar card a ngeih ruangah cheukhat nih cun ‘a dik lo ning in an pek’ tiah an soisel.

Hi kong he pehtlai in Aizawl District Transport Officer nih cun, Benjamin Sum nih hin Aizawl District Transport Office ah Aadhar Card hmang in motorcycle registration tuah a hal ko, tiah fehternak he a chim i, Vaivakawn sang Local Council nih garrage zong a ngeih ko ti langhternak ca an pek, tiah a chim.

Hi kong he pehtlai in Aizawl pengukbawi nih Aadhar card cu hmunkip ah a tuahnak a um caah a petu kan theihpi dih hna lo i, Voter’s ID belte cu Benjamin Sum min in kan pe lo, tiah a chim. Aizawl DC nih cun Documents an pekmi vialte cu felfai deuh in kan zoh แนญhan lai, tiah Zonet media sin ah a chim. Hi bantuk in social media i ceihphai a tonnak kong ah Benjamin sum nih cun chimfianhnak a ngei rih lo.The Chin Post

Be the first to comment

Leave a Reply

Your email address will not be published.


*