Apoi tuk e.Bungkhua mi Pu Sang Lian cu Ṭio ah Meithal Kah a Tong

Apoi tuk e.Bungkhua mi Pu Sang Lian cu Ṭio ah Meithal Kah a Tong Chin ramkulh, Thantlang peng Bungkhua khuami Pu Sang Lian cu nihin April ni 1 ah India le Myanmar ram aa ritnak Ṭio ah aho ti theih lomi nih meithal in a kah caah a nunnak a liam, tiah theih a si. A kaptu le zeiruangah a kah ti hi theih a si rih lo, an hlathlai lio a si!

Pu Sang Lian ruak cu Bungkhua lei ah tlunpi a si i, a kaptu hi kawl ding in thawng an thanh hnu ah CDF, khuami le khua innpa a simi pa paoh Ṭio lei ah kal in chekhlatnak an tuah cuahmah lio a si, tiah theih a si.The Chin Post

Minute 2 Tehte Khannak
Bishop John Tanner nih Chaplains (pastor bantuk) caah minung lakding biahalnak a tuah hna tikah a hal tawnmi hna cu, “Minute 2 lawng a nung ding hei si law vancun kainak lam zeitindah na ka chimh lai?”ti hi a si. Minute 2 chungah an chim khawh lo ahcun suimilam 2 chung zongah an chim kho hlei lo, a ti theu. Crd: Roy B. Zuck: The Speaker’s Qoute Book.
Zumhnak thawngin Pathian he i remnak kong ah chimmi cu hiti tu hin a si.

“Pathian bia cu nan pawngte ah a um ko, nan lei cung le nan lung chungah a um ko,” hi bia hi zumhnak bia a si kan timi bia cu a si. Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si. Cathiang nih, “Amah a zummi paoh cu ningzahnak an ing lai lo,” tiah a ti(Rom 10: 8-11).Mah Azi