Apoi kho tuk ee.Hakha Ah Nu Pakhat Bomb Aa Lamh Sual Caah A Ke A Bul

Apoi kho tuk ee.Hakha Ah Nu Pakhat Bomb Aa Lamh Sual Caah A Ke A Bul

Chin ramkulh, Hakha, Hakha thar sang ah nu pakhat cu hmanhmi bomb aa lamh sual ruang ah a ke a bul, tiah theih a si.

Bomb aa lamh sualmi hi kum 25-30 kar hrawng a si lai. Lo an kalnak ah atu bantukin bomb nih a puah hi a si. Hi bomb hi anmah ralkap nih an hmanhmi a si ko lai. Kan fale mino lei nih an hmanhmi a si lai lo, tiah tualchung mi pakhat nih The Chin Post ah a chim.

Bomb aa lamhsualmi nu hi a hawi le he lo an kal i Khusilubo(zalennak lungphun လွတ်လပ်ရေးကျောက်တိုင်) tlang ah vanchiat a ton hi a si, tiah theih a si.

SAC ralkap nih tuan piin Hakha thar sang le Cawbuk sang lei ah hmanhmi bomb tam tuk an chiah caah mizapi nih fimkhur tein umkal le ṭhut dir i ralring hna usih, tiah tualchung mi pakhat nih The Chin Post ah a chim.The Chin Post

Thla Khat Chung Ah Kahdohnak Voi 4 A Chuak, SAC Ralkap 40 An Thi — Htawai PDF Taningtharyi ramṭhen, Htawai pengkomh chung February thla khat chung ah kahdohnak voi 4 a chuak, cu kahdohnak ah cun SAC ralkap 40 leng an thi tiah tualchung hriamtlai phu Htawai pengkomh battalion 1 nih an chim.

Cu kahdohnak cun February ni 10 ah Htawai peng Pakari palik sakhan, February ni 17 Tingantone khua kahdohnak le February ni 20 ah Tabyia khua le Mechaung khua kar kahdohnak telh in voi thum kaphnih kar kahdohnak a chuak.

kuali tlang le Tabyia, Mechaung khua kar kahdohnak ah tualchung hriamtlai phu chungtel pakhat a nunnak a liam, SAC ralkap lei in ralkap 23 an thi 10 nih hliamhma an tuar pin ah Kuali tlang kahdohnak ah SAC ralkap 20 an thi ṭhan tiah a chim chap.

February ni 22, Tayatchaung peng Sawhpia khua pawng kahdohnak ah SAC ralkap lei in pakhat a thi, pakhat nih hliamhma tuar , tualchung hriamtlai phu lei hliamhma tuar an um lo tiah theih a si.

SAC ralkap hna cu Htawai pengkomh PDF battalion 1 le Siren Column phufonh nih an kahdoh hna tiah kan theih.People’s Spring