Chin ramkulh, Matupi peng, Țingsi khuami Salai Sui Bik Lian cu SAC ralkap nih December 15 ah Gangaw khuachung ah a ruang um loin an tlaih i an thah tiah kan theih.
A ruak zong a chuahsemnak khua ah tlunpi an sianh hna lo caah Gangaw ah a ruak cu an vui.The Chin Post
Nunsiannak Nih Minung A Tlennak.Justin a nunnak a thlengtu thil kong a chim mi a um. “Ka ngakchiat lio ka nule ka pa nih cheuhra chuekhat chiah ding an ka cawnpiak tawn, an mah zong felte in an pek tawn. Kei cu mi nun siang ka si ti zong ka ruat bal lo. Cheuhra cheu khat cu ka pek awk ka tuanvo a si tiah ka ruahko.” “Company ah rian ka ṭuan, kan hruaitu hi a nun a siang ngaimi a si. Khrihmas voikhat cu $ 250 in Walmart laksawng Card kha company rianṭuan tu vialte nih an duhmi hna paoh pek awk in a kan pek. A secretary nu nih, “ Justin ka card tlawmpal a tang rih, pek na duh mi hna an um ti maw?” a ka ti. “An um ko,” ka ti.
“Kan nu le kan hawi le tlawmpal he Walmart ah kan kal.Laksawng rawnnak zaal kan cawk, hasi, ha tawlnak, hmawca, zihmui tibantuk le a dangdang kan khumh hna. Cun inn ngei lo kan hmuh mi hna kha laksawng pek dingah kan kal. Nu caah bag 6 a si, cun pa caah bag 6 a si. Chun ni tlak kan vak i bag pakhat a tang cu bag cu pa caah kan cawkmi a si. Nu upa nawn pakhat ka pawngah a ra, inn ngei lo a lo ko, cun ka hun chawnh, a hmurka a thlum ngai. Bag pakhat a taangmi cu ka pek, pa thil kan rawnnak bag a si caah ka nawl pah, Walmart thil a si caah na herh mi thil in na thlen khawh ko hna lai, ka ti.”
“ A hun ka leh mi cu khuaruahhar ngai a si. Amah nih, “Mah thil pawl hi ka va thlen khawh tak ko lai. Sinain Nan mah nih dawtnak he nan ka pek mi a si caah ṭha tein ka fim ko hna lai,” A ti. Zeitik hmanhah ka philh kho ti lo ka hna thlam ah a cuang. Mah caan hi ka caah laksawng ṭha tuk a si, zeicatiah cu thil nih ka nun a kan thlen. Cu bantuk thil cu midang pek khawh ka duh ve. Cucaah cheuhra cheukhat lawng pek lo in nun siang deuhmi siding in bia khiaknak ka tuah, a ti.
Cuticun Pathian nih vawlei hi a dawt hringhran caah a Fapa ngeihchunte kha a pek, (John 3:16).Mah Azi
Leave a Reply