A Caan hi A Tlawm Tuk Da-Kaw Vawleicung mi-lu relnak phu nih, kum 2023 in vawlei minung vialte hna hi 7,942,645,086 – billion 8 tluk kan si cang e tiah cathanh an tuah.

A Caan hi A Tlawm Tuk Da-Kaw
Vawleicung mi-lu relnak phu nih, kum 2023 in vawlei minung vialte hna hi 7,942,645,086 – billion 8 tluk kan si cang e tiah cathanh an tuah. Milu rel phu nih an hlathlai ningte incun, seconds pa-kua chiar te hngakchia pakhat hrin a si peng i, seconds pa-hra chiar te, minung pakhat a thi peng ve ti a si.

Ai fiangmi cu, a thi chawm mi nak in, a thar i a hung chuak mi an karh deuh tinak a si hnga ( zor lei nak in karh lei a panh tinak a si). Seconds pa-kua chiar te, a thi-mi hna cazin chungah, ni-hin ni tiang, nangmah le keimah zong, kan i tel ve rih lo caah lunglomh a phu ko ( cazin chungah ai tel kho peng kan si ko lioah).

Vawleicung, biaknak (religion) tampi lakah Khrihfa biaknak hi milu rel in, zakhat chungah sawm-thum le pa-thum ( 33) tluk hrawng an si e tiah, record nih a tial. Cu lakah, Holh phun thong-ruk in thong-sarih ( 6000-7000) tluk hrawng an um i, cu lakah mah le holh tein Bible cauk a ngei kho cang mi hna hi,

holh phun 674 hrawng lawng kan si rih tiah an ti fawn. Kan nih Kawlram ( Myanmar) zong hi, kum 1983 kawlram milu relnak nih cun “ The top language groups are Myanmar (Burmese)69％, Shan 8.5％, Kayin(Karen)6.2％, Rakhine 4.5％, Mon 2.4％, Chin 2.2％, Kachin 1.4％” tluk hrawng an si e tiah a ti. Kawlram chung milu relnak ah, kan nih Chin mi le Kachin hna milu rel hi kan tlawm taktak ko.

Kawlram ( myanmar) ram ah hin, minung 53,8 millions hrawng kan um cang. Cu lakah, Khrihfa biaknak hi milu rel in cun, 6.5 % hrawgnhrang lawng kan si. Holh phun 113 tluk hrawng kan um i, cu lakah holh phun  75 nih mah le holh te cio in, Bible kan ngei kho cang tiah, Bible society of Myanmar phu nih a tial. Myanmar ramri a si mi India ram ah khin, holh phun 1652 tluk an um i, an mah le holh phun cio in,

Bible a ngei kho cang mi hna hi, holh phun 72 hrawng lawng an si riah e tiah, India christian magazin- 2019 nih a rak langhter bal. Kawlram le India ram ahcun khrihfa biaknak hi an nemnet ngai ve caah  khrihfa hna hi a lamkip in an tthancho a herh cuahmah ko.

Mah vialte lak ah, Vawleicung huap in, ni-khat ah minung hrin a simi milu rel in –340,500 ( Ting-thum le thong sawmli le zanga) hrawng an si peng i, ni-khat chung tthiam ah minung a thi-mi milu rel in- 144000 ( Tingkhat le Thong sawmli le thong li) hrawng an si peng e tiah, World Sensus in 2022  nihcun a langhter. Mah a thi-mi cazin chungin, Khrihfa a si bak lomi minung 94000 ( Thong sawmkua leng) an si peng.

Cun, ai fiang ko mi cu, khrihfa situng i, piangthar loin ( chanthar holh ) a thi-mi milu rel chih ahcun nikhat ah- minung 100,000 ( Ting-khat) tluk hi, ni-chiar te Hell ram ( hrem-hmun ) ah an kal peng tinak a si hnga.

Note: Cubantuk hrem-hmun Hell ram i, a kal cuahmah liomi hna, luatnak tthawngttha chimtu dingah rian khinh kasi ve ko tiah, ai ruat mi hna nihcun, Khamhnak thawngttha – Jesuh khrih dawtnak hi, Ni-fa tein a chim peng awk a si.Crd.Isaac Van Bawi Thang