A Ṭha Maw Ṭha Lo Dek

Kanmah hna chan lio ahcun Pastor te le Evangelist pawl lawnglawng nih zapi hmai ah bia an chim kho i, zapi cu a ngaih in kan rak ngaih tawn. Cun, caṭial thiam an timi hna lawnglawng nih Laimi kan ngeih chun Mekazin le Cazual ah ca an ṭial kho i, zapi cu a rel in kan rak rel ve tawn. Tuchan belte cu mi zeipaoh nih Online in biachim lulh cio a si cang i, ahopaoh nih Feibuk in caṭial lulh cio a si ve cang. Mah hihi a ṭha maw ṭha lo ti khi siseh law, a ṭha tuk ka ti ve ko hnga.

Asinain, cawnpiak phun rumro in akuat kan laak dihmi hi cu a poi ko. Cu nakin a poi deuh rihmi cu thangchiat phun, soisel phun, sotphelh phun, biasiphai phun, tuaitam phun in biachim a hmangmi le caṭial a hmangmi pawl hi an poi chinchin. A poi tukmi pakhat a um rih. Cucu, biachim thiam lo biachim ngaih hi a si hoi. Mah siarem ning paoh in Laica ṭial a hmangmi pawl carel zong a si ve. Sii a vang. Thi an thaak. Kan umtu a faak dih.

A ngaite tiah, atulio te hi biachim i sum a herh tuk lio caan a si i, caṭial i sum a herh tuk lio caan a si, tiin kei ka hmuhning a si.
Crd.Perhkalh

Be the first to comment

Leave a Reply

Your email address will not be published.


*