Chin National Defense Force (CNDF) timi hriamtlaibu thar a vun dirmi kongah zeihmanh khuaruahhar awk a um lo.

Chin National Defense Force (CNDF) timi hriamtlaibu thar a vun dirmi kongah zeihmanh khuaruahhar awk a um lo.  Chin miphun tuanbia le atulio kan sining taktak zoh tikah lungrualnak le hmunkhat te ah tangtinak hi kaa lawngin hmuh khawh asi.  Tuansernak taktak ah a um lo.

Tahchunhnak ah kan Biaknak lei hmanh zoh hna usih- USA ah Hakha, Thantlang lei deuh Baptist pawl cu  CBCUSA he pehtlaihnak kan ngei cio bang, Falam lei deuh pawl zong CBNA ah an ipehtlaih ve. Cun a dang pengtlang dang pawl zong an mah le siaremnak cio in buu dirh le pehtlaihnak an ngei cio ve hna. 

Khrihfa biaknak hmanh ah kan ithen, kan tang ti kho lo. Dothlennak chinchin ahcun a har chinchin kho. Hihi kan sining taktak cu asi ko.

Mah nih a langhtermi cu a pengtlang thari in khua kan khan,  khua kan ruah, lam kan kal timi hi asi. A thatnak tampi a um ko nain miphun pi huap in cawlcanghnak caah cun a dotdot in meeting thut ta, kutka tampi kingh ta, hauhruang tampi longh ta, tlang tampi kai ta hnu lawngah lungrualnak nicheu dawh hmuh khawh dingin a um.

Kan Chin miphun huap cawlcanghnak nakin a pengtlang le khua kongah a buai huam deuhmi tam tuknak ah atu bantukin CNDF a dirmi kongah lau awk le khuaruahhar ding a um lo. An mah peng le tlang an funton khawh hna, thazaang an ngei i Kawl ralkap an tuk khawh , siloah an do khawh ahcun Chin miphun caah thathnemnak a chuah kho ve ko. Abiapimi cu kan ral a khat a hau. Kan ral a khat paoh ahcun tangtinak lam a um peng ko.

Cucaah Chin miphun caah zeidah CNDF nih an tuah khawh te lai timi khi zoh cio te ding asi ko.Credit-Salai Z T Lian

Be the first to comment

Leave a Reply

Your email address will not be published.


*