Chin National Defence Forces ka dirpi lo.

Chinmi cu ti chim hi mi cheukhat nih cun an huat ngai, nain chim lo awk a tthat lo caan tamtuk. Cucaah chim lengmang ko usih. Atu ah hin Funtomnak asilole pakhat sinak he aa ralkahmi zeidah a si?(What is the opposite of unity?) timi biahalnak khi um sehlaw Chin tiah leh a phu taktak. Chinmi nih kan thiam bikmi le kan tuah bikmi cu i tthen cheu, buu thar dirh hei ti le bu khuai hei ti pawl hi an si.

British pawl nih India ram uk an rak duh hna lio ah khan an hmanmi policy cu Divide and ruleĀ» timi a si. Miphun nganpi kha hmetete in an tthen hna. Hmetete an i tthen tikah an lung aa rual kho ti lo. Cu hlei ah an tthawng kho ti lo. Cutin fawi tein an rak uk khawh hna. Chinmi bel hi kanmah tein biaknak lei zong ah hme parik tein kan i tthen dih hlei ah miphun sinak zongin a peng le tlang in kan i cheu dih viar. Atu ah si le CNA hlei in CNDF an chuak tthan.

Kan thazaang hmunkhat ah fonh loin a pikpak tein kan hmaal dih. A um ciami tthawnter loin a thar in a dang kan dir. Hmunkhat ah ttan tti, dir tti le kal tti loin kanmah tein kan dir. United we stand, divided we fall. ti a si kha kan hngalh tuk ko. Nain i funtomnak lei khuakhang loin tthencheunak lei lawngte kan khang. Hruaitu si kan hei duhtuk khi maw a si hngal ve hlah. Miphun ttanhnak lungthin kan ngei lo. Mah phun ttanhnak lungthin lawng kan ngei. Chimduhnak cu kan bu, kan peng, kan tlang. timi tiang lawng kan ttanh. Khatlei in chim ahcun tthancheunak khi kan ttanh.

CNDF a dir. Chikkhat cu a tthami a lo men lai. Nain hmailei pi ca tiang cuanh a hau. Miphun pakhat chungah ralkap phu hnih dir cu zeitik hmanh ah a ttha bal lo. I theihthiam lonak a um tikah ttih a nung. I kahnak le i donak a chuak kho. Mipi karlak zongah Ā«Ralkap nan ngei ve, kan ngei ve. ti in i hlat chinchinnak a chuak kho. Cucaah CNDF hi dirpi dingah ka ruat lo. CNA kan ngei cang. Mah vial hi a za. Kan ngeih ciami tu hi Chin miphun caah tthawnter i zuam hna usih. Miphun ngan bik ram hna hmanh ah ralkap phun khat lawng an um.Credit-Roro Fabawl

Be the first to comment

Leave a Reply

Your email address will not be published.


*