Chin MPs Hna Kong Ah Thil Sining: Theih Awk le Ruah Awk!

Kawl ralkap nih 1 February 2021 ram uknak a lak than hnu ah, Mipi palai aa timi MP pawl hi mah le himnak cio ah an tli, zam cio. Cu ve bantuk in, 2020 thimnak in teinak a ‘RAK’ hmu mi Chin MP pawl zong Mizoram kan phan dih cang an ti. Asinain, atuni tiangah CDM tuah ruangah nunnak a him lo mi Chin ralzam Mizoram phan mi he biaruahnak voikhat tal an ngei rih hna lo. A ton cu chim lo, phone tal in tha pek le hnemh a um lo.

2020 thimnak in a tling mi kan Chin MP pawl hi, an chanbaunak tete a um. Chim nolh zong a herh tuk lo nain, CHIN MP tam deuh cu mino nakin pension cia kum khua upa an tam deuh. Cu nih a hlei in chanbaunak a chuahter. A pakhatnak ah, ‘lack of resources or capabilities’ timi tuah-tuan khawhnak lei chanbau asiloah theih-hngalhnak le tuaktannak lei chanbau hi a si. Tahchunhnak ah, cozah asiloah hluttaw zung an kai hin cun anmah bawmtu caah tiin riantuantu ‘staff’ tampi an um i cu nih cun, an bawmh hna.

Thawngpang pek maw, catial piak maw, phone chawnh le a dang herhmi tampi tawlrelnak lei an bawmh hna. Asinain, atu cu an pawng ah bawmtu an ngei hna lo. A pahnihnak ah, ‘ lack of technical knowledge and skills’ timi seh thilri lei kong theih hngalh le tonghtham- toitam zia thiam lo kha asi. Tlik le zam cio asi i, hmaitonh in biaruah khawh a si lo. Cu tikah, ‘technology’ hmang in biaruah le khuaruah cio a si. Cu deh-thamnak lei ah an thiam lo. An iziak rih lo. An tiluan ning an dawi kho lo. Tahchunhnak ah, a hmebik Email cakuat ning tbk zong aa harh mi MP an um. Hi bantuk thil sining nih, aralaimi federal ramkomh dirhnak le kan ram daihnak, thanchonnak caah khenkham ngaitu an si.

Cheukhat MP pawl hi mipi tu dirpi loin, mah le ramkhel sutung hmuitinh caah tiah mipi leirawi phun le CHIN miphun lungrual lonak chuahter a timhtu an um. Mipi, a biapi in mino nih timhmi lam cia cung ah minthat duh in a cawlcang mi an um. Cheukhat cu, mino hna hi an keneh tang chiah in duh poah in mermai aa tim mi an um.

A cunglei kan langhter mi hi…. a cung phen ‘ just iceberg’ lawng a si. Mipi nih theih awk le ruah a herh tiah van langhter mi a si. Credit-Bawi Boris

Be the first to comment

Leave a Reply

Your email address will not be published.


*