Chin Miphun Aiawh in dohthlennak a tuah mi hna CNF/ CNA hna hi a liam cia kum 10 lio khan hitin hin dohthlennak kal pi uh sih kan ti hna an rak duh lo

Ralkap nih Uk nak a lak Kaa ahkhan Ka chim mi cu CDM lawng in zeitin hmenh in kan tei lai lo Ka rak ti.

Ka hawi le Minung tam ngai nih an duh lo, CDM in kan tei hrim hrim lai ti a si. A si lo ee, kan tei lai lo eee.

CDM lawng in zeitin hmenh in kan tei lai lo Ka ti hna. An rak duh lo caah pumpak in rem lo nak tiang in an ka ti. Kei cu Ka chim mi cung ah fek tein ka dir ko, pumpak in an Ka huat zong ah ka chim mi cung ah ka dir thiam thiam ko lai.

Chin Miphun Aiawh in dohthlennak a tuah mi hna CNF/ CNA hna hi a liam cia kum 10 lio khan hitin hin dohthlennak kal pi uh sih kan ti hna an rak duh lo. An duh lo caah kan mah hna bia in zeitin hmenh in kal pi awk a that lo caah kum 10 chung an hnu in kan zulh ko hna.

Ka bia fak ngai in Ka rak chim mi cu hi ti ning in dohthlennak kan kal pi, ahcun kum 1,000 hmenh tuan uh si law, kan duh mi kan phan kho lai lo ka rak ti hna.

Nihin Ni a tu lio, caan a biapi lio ah a tuah zia a tuan zia kan thiam lo i kan tuan sawhsawh ko ahcun teinak lam cu a um hrim hrim lo.Der lei Zubui Ek ceh bantuk men kan si te ko lai.Credit-Salai Ceu

Nihin cu hngalhnak kaa chap. Hlan lio Kawl novel ah “nu le a tlangval cu Strawberry kung tangah an I tong tawn” tiah ka rak rel. Cu lio ka rak hngalh mi  Strawberry cu thing kung si loin vawlei ti ti awk in a zaam mi a ruang in a tlaimi thei a si. Cu tang I nu le pa I ton khawh cu tiah ruah lo le ruah lo a rak ka ruah ter. Caṭial tu zong strawberry kong theih set lo in a ṭial, tiah hngalh lo ka rak puh.

Nihin cu Ecology sermon, “Tuhmawng Theology,” ṭial bawmtu ah thingkung kong cauk, AROUND THE WORLD IN 80 TREES, timi cauk ka rel. Dal khat biatlang cu “Strawberry Tree” ti a si. Mirang holh ah min aa khat mi thingthei phun hnih a  rak um: a tang hmantlak hi an pa hnih in “Strawberry” an si.

Kawl novel ṭialtu hngalh lo ka rak puh cu kei thil hngalh lo ruang tu ah a rak si diam. Credit-Hrang Zel

Be the first to comment

Leave a Reply

Your email address will not be published.


*