Chimrel Zalonnak Kiam Ah Pu Sung Bia Aa Tlum Lo

Twitter le Facebook nih Pu Sung (a min hman ka duh lo) an phih, January 7 i a mi le sa nih Zu-et Khe-pi-tawl Kawngkaret innpi an baoh hnu in an phih.

Social Media Twitter te pawl in, Pu Sung a aunak nih ‘zaangen thilti tthalo’ sunparnak a pek caah tiin Twitter tehna nih Pu Sung an hun phihnak cu a si. Cun, Zu-et Phunghrampi i Chimrel Zalonnak Covo chuankhan in, Pu Sung le a uartu thenkhat an hung au.

Chimrel Zalonnak Covo ah zaangen buainak a chuahter khotu bia tehna, zaangen buainak sunparnak a petu bia tehna, miphun le titvun hoih in biachia chim tehna, thlanglamhnak bia tehna le thleidannak bia tehna le huat biachim tehna tbk. aa tel lo. Hi bantuk bia le hla (ka hun langhtermi) pawl nih Chimrel Zalonnak Covo ramri a lonh caah, Chimrel Zalonnak Covo e ti i, an hun au kha a mak ve lo tak mi a si.

Vanthat ah Mirang kan thiam lo le a tthapah rua, Facebook i Laimi thenkhat nih hawi kan khawmenh tawn mi hna bia hi, Chimrel Zalonnak Covo ramri voi zeizat ko khi dek kan hei lonh rawh hnga? Midang fahternak bia paoh cu, Chimrel Zalonnak Covo ah aa tel hrimhrim lai lo ti hi phan ziar awk a si rua lai.

Kan chimrelnak ah ‘Midang caah zohchun awk tlak va si’ kha Mithiang Paul nih Timote a cahmi kha a si maw kha?

Pu Sung chimrelnak nih January 7 ah minung 4 le palik 1 thihnak a chuahpi, tapung zia in Kawngkaret a va namter hna. Hihi ‘Midang caah zohchun awk tlak a si maw aih?’Credit-Salai B Chan Khar

Be the first to comment

Leave a Reply

Your email address will not be published.


*