Chim chia ro lo

Chim chia ro lo, Aung San Suu Kyi khi thi sehlaw Kawlram nainganzi khi a ningpi in ralkap kut ah a tla colh ko lai. Atulio president U Win Myint nih a tlai kho bak lai lo. Min Ko Naing zong nih a kham kho hlei fawn lai lo. Cucaah thaizing kiptuh thimnak ah Kawlram nainganzi ralkap kut ah tlakter lo kha a biapi tuk hringhran. Tlakter lo khawh bak a si fawn i, tlakter khawh bak zong a si ve ṭhiamṭhiam fawn.

Kawlram nainganzi khi ralkap kut ah tla ti hlah seh ti a duhmi kan um. Tla ṭhan ko seh ti a duhmi an um bak ve. Cucu biatak tein an i pai. Biatak tein an i do fawn. Cucu atulio Kawlram kan dirhmun a si ko. A dang pawl khi cu an hei chim ve cio sawhsawh i si ko. Khi tluk an i paih lio le khi tluk an i doh lio i keimah vote ka pe u ti le kanmah vote kan pe u” ti cu nihchuak lei khi a si.

A ngaingai tiah, Aung San Suu Kyi rak um hlah sehlaw, atulio Kawlram democracy timi khi a um bak lai lo dah. Cuti ka ti tikah 1988 lio i nunnak a peekmi siangngakchia pawl kha ka upat hna lo bia a si hrimhrim lo. Kha lio ahkhan Aung San Suu Kyi rak um ve hlah sehlaw, siangngakchia pawl lawngin nihin kan dirhmun kan phan kho lai lo ka ti duh. Aung San Suu Kyi thawng tein Kawlram democracy a phung men democracy timi khi Than Shwe le Khin Nyunt kut in kan laak khawhmi a si ko.Credit-Perhkalh

Be the first to comment

Leave a Reply

Your email address will not be published.


*