CDM tuah ngam lo hi ralkap dirpi a si – Min Ko Naing

Dr. Zaw Wai Soe nih 8.3.2021 hnu cun CDM a lut lomi zong ram caah nunnak a thapmi upat peknak caah ni 10 chung zung kan khar lai caah zung kai a hau ti lai lo a ti. Mah bu hmanh i an i tel duh lo ahcun hngah an phu tilo, min lak i, kan ram a tthat le cangka in cozah rian pakhat hmanh pek te lo ding bak. An duh si le ramleng ah kuli hlawh ve te ko hna seh! Hawi nih an nunnak hmanh an thap lio ah CDM hmanh ah i tel duh lo cu mipi nih ngaihthiam awk kan ttha te lai lo. CDM a tuahmi vialte tu cu ramchung he ramleng he kan in upat bak ko hna.

Minta mintami le asuudaw pawl thlakhat kan kal chungah aa tel lomi le ralkap a do lomi cu an min zapi theih in an taarlangh thluahmah cang hna. Mipi nih zumh tilo, uire bantuk ah ruah hi Social Punishment lakah a sang bik cem a si ko. A caan um lio ah CDM kan i tel ding hi a ttha bik. I tel cio hram hna usih.

CDM cu rinhchanh awk a tlak lo tibantuk, ruahnak dang i khoihverh ter phun in bia kawl caan a si lo, mipi kan upat hna lo zong a si. Ralkap kan dirpi hna dahkaw a si cua ei. CDM hi lunghrinh in tuaitam awk a si lai lo. Thlakhat kan lim cang i, tuhnu thla hnih chung ahcun a thei a paar te ding a si kho hih.

Ralkap kan ttih ruangah ralkap caah kan tuahmi thil nih hin kanmah ca lila zongah tthatnak a chuah pi te hlei lai lo. Mipi nih an kan hlawt cang hnu ahcun nun man dahkaw a um tilo cu. Nun a nuam lo tuk lai.

Dr. Zaw Wai Soe nih a chimmi hi CDM a tuah rih lomi pawl nih an ngaih ahcun an lungfim ruangmang ko lai.Video credit: rfa Credit-Mang Bawi Lian

Be the first to comment

Leave a Reply

Your email address will not be published.


*