CDM Palek An Umnak Inn Mawtaw Ngan Nih A Pah, Bawhte Pakhat Telh In Minung 8 Hliam An Tong!

Mizoram ramkulh, Phuncawng khua ah Myanmar CDM palek chungkhar an umnak inn pahnih cu June 3, zanlei 6:00 pm hrawngah khan mawtaw ngan (kungka) nih a pah i a cim dih tiah theih a si.
Hi inn pahnih ahhin chungkhar pali an um i cu chungah chungkhar pahnih cu Myanmar CDM palek an si.

Inn cimh ruangah mining 8 hliam an tuar. Aizawl siizung ah an tlikpi colh hna. Pasarih cu siizung um an hau lo, pakhat tu cu a fah ngai caah siizung an thlop cuahmah.Phuncawng khua hi Aizawl in meng 9 hrawng a hlatnak ah a ummi a si. Inn a pahtu mawtaw zong cu hawrkuang ah a tla.

Siizung ah an thlopmi cu CDM palik chungkhar an si. CDM palik hna an fa bawhte zong a lu a kuai. Inn pah a tongmi hna cu Phuncawn khua i sianginn ah hmunhma an serpiak chung hna tiah bawmhchanhnak ah aa telmi Lai Christian Fellowship hruaitu pakhat nih a chim. The Chin Post

Kahdohnak Kong Thawngthanh:Chin ramkulh Hakha ,Matupi motor lampi ah June 1,2021 chun suimilam 12 hrawng ah ralhrang rallokap le CDF-Hakha kar kah doh nak achuak, rallokap leiin minung (8) anunnak a liam, atlawmbik minung (5) hliam an tuar .

Cun mipi vengtu CDF-Hakha in minung pakhat Salai Cung Peng Lian cu miphun le ram caah anunnak a pek. Yakhine ramkulh chung rallokap phu hña cu Palatwah in Hakha ah rallokap minung thazang a chap caah kahdoh nak afakchin kho tiah Chinland Defense Force nih an langhter.June 3,2021

Be the first to comment

Leave a Reply

Your email address will not be published.


*