CDM ah ai tel lomi hnek ding an si lo ati mi kan um.

CDM ah ai tel lomi hnek ding an si lo ati mi kan um. Hnek tuk ding an si zeicatiah an mah ruangah ralkap cozah a nun i rian a tuan khawh sual ahcun rian kaltak in miphun dawtnak a ngei i nifatin kuan fang lak ah ningtti in a cawl mi hna thlan ti khi sullam nei lo ah ai cang ding asi.
Cu lawng hlah ralkap nih uk nak a tleih khawh sual citcet ahcun an caah zeitluk ttih nung dah asi, thonginn nih a hngah hna, hrem an si rih lai, chaw le va in thanh an hau rih laiā€¦Lai an hlum ngam ti lai lo, chungkhar tamtuk nung bu in tthennak nih a phak hna lai.

Ralkap nih an uk ahcun hmailei ah hngakchia in upa tiang caah ruahchan nak a lo lai. Ngak nu dawhdawh an pam hmai lai, khua kip bawitlang vialte hrem le thongthlak an si than lai. Hngak chia caah fimnak a bau than lai, mikip caah sifah nak a tlung than lai, mikip cu ttihnak in an khat lai tbt. Cucu a tha kan ti ko lai maw? Cu thil tlun ding cu kan ruah khawh ko lai maw?Sal bantuk in nun chung caan hman than ding cu kan ruah khawh ko maw?

Cucaah mah bantuk thil ttih nung a tlun dingmi a duh lo mi kan si ko ahcun mah le chuncaw te rawnh in kan dir bak ding le kan doh bak ding asi ko. A duh lo mi zong hnek bak ding ansi ko. Cik khat harsat kan tih ruangah zungzal a har deuh mi dir hmun phanh khawh asi. Cucaah pumpek bak in kan tuan cio a herh. Kut sih in tuan ti hna usih!!!

CDM cu Bawipa nih dir kamh sehlaw thluachuah ko seh! Teitu cu Bawipa asi. Bawipa nih kan ram dam ter ko seh!Credit-Van Bawi Kam Zaitu

Be the first to comment

Leave a Reply

Your email address will not be published.


*