CDF nih cathanh an chuah tawn mi ah hin ka sia herh ngai mi

Chin Mi Thantlang,Hakha peng hna nih Lai holh te hi kan thiam cio dih ko hna ca ah a hman hi kan uar ve hi a tha lo maw?

CDF nih Cathanh a chuahtik ah Kawl holh in tial mi a si tawn cu tik ah Upa kan nu le pa cheukhat nih Kawl holh an thiam lo ca ah cathanh hi midang Mino or Kawl holh thiam mi nih lehpiak tawn an si. Cu ca ah a tlamtlin dih lo nak tampi a um.

Cathanh ah khin Lai holh hmaisa sehlaw cun a tang ah Kawl holh in i thanh than sehlaw a tha tuk lai dah.

Kawl holh nakcun Hakha,Thantlang Holh cu zapi zaran zawng nih theihthiam cio le i hrawm khawh bik mi a si ko rua dah tiah ka ruah.Note: CDF ka soisel i ka thangchiat a si lo.Credit-Lms Post Tu

Kan Nunnak Thlengtu Thawngțha Bia. Zumhnak thawngin Pathian he aa remmi cu an nung lai (Rom 1:17).

Vawleicung mifim thiam hna le cațial thiamthiam hna nih a phunphun in ca cu an țial lulhmalh cio. Cu an țialmi ca cu mi kip nih holh phun kip in kan rel cio hna. Sihmanhsehlaw minung kan nunnak a kan thleng khotu taktak ca an um kho lo.

Minung kan nunnak a kan thleng khotu le kan nunnak a kan thlenter khotu taktak cu Jesuh Khrih khamhnak thawngțha bia lawnglawng hi a si. Cucaah Khrih khamhnak thawngțha kan theihnak thawngin kannih cu Pathian khamhnak a cotu kan si. Amen. Hallelujah.

Cucaah thawngțha hi ka zahpi lo, zeicahtiah a zummi vialte hna caah Pathian khamhnak hmual a si. Thawngțha nih cun Pathian nih zeitindah minung kha Amah he aa remter hna ti kha a langhter. Cathiang nih, “Zumhnak thawngin Pathian he aa remmi cu an nung lai,” a ti bang khan Pathian he i remnak cu a hram in a dongh tiang zumhnak thawngin a si (Rom 1:17).

Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo, zeicahtiah mi vialte cu kan sual dih cio ko i Pathian sunparnak kha kan bau dih cio ko. Sihmanhsehlaw kannih a kan tlanhtu Jesuh Khrih thawngin Pathian nih a vel cu a lak tein a kan pek i amah Pathian he cun a kan remter (Rom 3:24).

Hawi dawt, Khrih thawngțha hi kan caah a sunglawi tuk. Thawngțha hi rak um hlah seh law zeihme kan lawh hnga mu ti hi ka ruat tawn. Thawngțha hi rak um hlah seh law cu, nang le kei nih hmaihngalpi ding dang zeihmanh kan ngei hnga lo. Atu ah nang le kei nih kan i hmaihngalpimi cu Khrih khamhnak thawngțha lawnglawng hi a si. Pathian dawtnak le a fapa Jesuh Khrih khamhnak thawngțha lawnglawng hi kannih kan i hmaihngalpi dingmi cu a si ko.

Khrih he an i ton hnuah khan Paul nih, “Miphun vialte hna sinah leiba ka ngei, a fimmi si hna seh, a hrutmi si hna seh, cathiammi si hna seh, cathiam lomi si hna seh, an dihlak cungah leiba ka ngei,” tiah a ti. Cucaah cun Khrih khamhnak a cohlang i zumtu a simi kannih zong miphun vialte hna sinah kan nunnak thlengtu Khrih khamhnak thawngțha bia chim ding leiba kan ngei ve.

Hi thawngțha bia a reltu nan dihlak Pathian kan Pa le Bawipa Jesuh Khrih nih vel le daihnak cu in pe ko hna seh.

Dinnak kha a cat lomi tiva bantukin luanter camcin ko u (Amos 5:24).By-Salai K. Biak Lian Thawng

Be the first to comment

Leave a Reply

Your email address will not be published.


*