CDF-Mindat in Salai Thang Hung Thang a Nunnak a Liam

Nizaan in aa thawkmi CDF-Mindat le SAC ralkap kahdohnak ah CDF-Mindat lei in Salai Thang Hung Thang a nunnak a liam, tiah kan theih.

SAC ralkap nih Mindat he meng 18 hrawng a hlatnak Kyaukhtuh khua in 155 MM miakpi in an kah hna caah Salai Thang Hung Thang hi a nunnak a liam i a dang minung 4 hliamhma an pu hna.

Hliamhma a pumi minung 4 hi a zualhma cu an si lo i thinphan awk a um lo.

Mindat ah SAC ralkap he hmaitonh ngaingai in i kah a um tuk lo i, a lang tu in SAC ralkap nih miakpi in pehzul in an rak kah hna.

SAC ralkap nih an tlaihmi hna Mindat khuami minung 5 an thlah hna lo caah CDF-Mindat le SAC ralkap karlak biaruahnak cu May 12 ah a rawk i, cu caan thawk cun kahdohnak a hun i thawk tthan hi a si. The Chin Journal May 13, Yangon

CDF nih Nizaan ah Inn 3 Bomb an Puahnak Aruang an Langhter.May 11 zaanttim ah CDF nih Hakha Khuahlun, Hniarlawn le Hniarlawnthar ah bomb voi 3 puahnak an tuahmi kong he pehtlai in tu zaan cathanh an chuahmi ah aruang an langhter.

(1) Hniarlawn Khua Inn Pakhat Bomb Puahnak. Hniarlawn inn pakhat bomb an puahnak aruang cu inntek hi Chin ramkulh SAC upa hna sin ah CDF cawlcanghnak kong thawngpang a pek hna ruang ah a si, tiah an langhter.

(2) Hniarlawnthar Inn Pakhat Bomb Puahnak
SAC nih Hniarlawnthar i inntek hi tangka ting 3 an pek i CDF cawlcanghnak thawng a thanh hna pin ah CDF chungtel pakhat inn an bauh, tiah an langhter.

(3) Hakha Khuahlun Kawlmi Innhmai Bomb Puahnak.Khuahlun ah innhlang in a ummi chungkhar hi Dalan an si, tiah CDF nih an langhter. Na Ta La sianginn lampial pawng innhmai ah bomb a puak.The Chin Journal May 13, Hakha Hmanthlak: Pu Cung Bik inn, Hniarlawnthar. (Ref: CDF)

Be the first to comment

Leave a Reply

Your email address will not be published.


*