CDF le Kawl Ralkap kahnak in Surkhua ah CDF lei pakhat a thi i, Ralkap lei 8 tluk an thi.

Thawng bultan: UpdateTCP Hakha| 2021 June 3–Cikha khua ah Pathian riantuantu Rev. Paul Cin Za Suan, kum 51, Rev. Thawn Suan Thang le Nu Ciin Go Cing hna cu COVID-19 zawtnak in a thi.

Cikha ah COVID-19 zawtnak in a thimi minung an dihlak ah 5 an si cang. Tamu ah COVID-19 zawtnak in, ngakchia ni 28 lawng a si rih mi a thi. Tamu ah COVID-19 zawtnak a ngei mi minung 171 an si cang.

COVID-19 zawtnak ruang ah Kalay i Wesley Sizung cu Lockdown chiah a si. Kalay ah nihin lawng ah COVID-19 zawtnak an hmuhmi 34 an si. Kalay ah Ralkap cozah nih Vanlawng le Bus tlungkal mi cu a kham khawh nain, zapi zaaran cu an i chawk i, tlung kal thiam ko tiah theih a si.

Falam ah COVID-19 zawtnak an hmuh chap mi 4 an si, an zapi in zawtnak an ngei tiah lunghrinh mi 14 an si i, minung 1 a thi cang tiah Zalen nih a thanh.

Kawl Ralkap nih Feb. 1 thawk in nawlngeihnak hramhram an lak hnu in nihin tiang ah 845 an thi cang. Thonginn chung ah a ummi hi 4509 an si tiah AAPP nih an thanh. Ram pumpi in Ralkap nih tlaih ding in Warrant chuah mi hi 1931 an si cang.

CDF le Kawl Ralkap kahnak in Surkhua ah CDF lei pakhat a thi i, Ralkap lei 8 tluk an thi. Rakhine ram le Chin ramkulh Paletwa ah a ummi Kawl Ralkap pawl Chin ramkulh Khualipi Hakha lei ah an rak thlah hna caah kahdohnak fak deuh a um kho men tiah CDF nih an thanh.

Kawl Ralkap an i tinzo lo caah Ralkap a pensen cang mi kum khua upa pawl zong an auh than hna tiah Kachin thawngzamh nak nih a thanh.

Kalay peng Donawi khua ah PDF Kalay le Kawl Ralkap an i kahnak ah Kawl Ralkap 4 an thi tiah Zalen nih a thanh.

Karen ramkulh, Myawaddy ah Karen hriamtlai phu le Kawl Ralkap an i kap: June 1 thawk in Karen ramkulh chung ah umhmun a khuar mi Karen hramtlai phu pawl fonh le Kawl Ralkap an i kap. Karen ram chung hriam tlai phu lei in Myawaddy PDF, DKBA (a then mi), KNLA/PC, le Ramrihngak BGF (a then mi) le Bo Mya fapa nih a hruai mi KNDO an i bawm i Kawl Ralkap an doh.The Chinland Post

Be the first to comment

Leave a Reply

Your email address will not be published.


*