CDF hruaitu upa hna hnatlaknak le biachahnak tel loin pumpak ngiarmi hna minung harnak le fahnak pek hi a um lo ding a biapi tuk.

CDF hi an rianttuan ttha. Thazaang pek an phu. Upat awk an tlak. Asinain tthat lonak doh duh theng ah siloin an rak huatmi le rem lomi minung an um ruang ah CDF ah i luhter in kha an huatmi hna le rem lomi hna tthuatnak le harnak peknak ca ah caan ttha a lami minung an um sual ahcun cucu a dik lo tukmi le a chiakha tukmi rian ttuannak a si lai. Cu bantuk minung an um sual ahcun CDF chungtel in chuah an herh.

CDF hruaitu upa hna hnatlaknak le biachahnak tel loin pumpak ngiarmi hna minung harnak le fahnak  pek hi a um lo ding a biapi tuk. Dingfel te le thleidannak um lo tein rian an ttuan i, hlan anmah pumpak tuanbia tthing nih a tu an rian ttuannak ah lairelnak a pelte zong a ngeih lo ding hi a biapi tuk fawn. Cun CDF ca i bawmhnak kan thawhmi vialte hna zong hi mah pumpak rem lomi dohnak ca ah kal loin Chinmi kan ral dohnak ca ah a kal ding hi a biapi tuk fawn.Credit-Roro Fambawl

Mindat Khua chugah Mindat mipi an um ti lo. Chin State Mindat khua chungah khuami an um ti lo. SAC Ralkap tha lo hna lawng khuachung ah an um cang. An duh ning paoh in khua an sa. Khua chungah athli in alut mi hmanh an tleih hna i an velh-vuak hna. Minung pa 7 an thah cang hna i hngakchia nu zong an tleihhrem hna tiah Mindat pakhat sin in kan theih.
Bawmchan tu kan ngei lo. Kanmah Khuami CDF lawngnih nihin tiang kan doh hna. kan baa tuk cang. Kan hawikom tha cheukhat hna cu SAC meithal in an nun nak aliam cang.

Khoika dah CNA nan um kun? kan Chinram le miphun a kilveng tu kan si nan ti kun. Khuazeika dah nan um kun? Kan fa le hngakchia nu pawl an tleih hrem hna. Kan i bochan mi hna mifim hna zong thonginn ah an chiah hna. Bawmtu kan hlam. Kan khua le kan ram kaltak kan siang lo kan thih hlan lo hnu lei kan pil lai lo. Kan nunnak a dongh tiang kan doh lai tiah Mindat pakhat sinin kan theih. Kachin Ralkap Mindat ah vabawmh dingin an kal timi thawngpang cu adik lomi asi. Kachin cu chim lo CNA hmanh i thawh lo nalak ah.Credit-CCN

Be the first to comment

Leave a Reply

Your email address will not be published.


*