CDF-Hakha nih Laitlang ah rallokap an chap chin lengmang hna caah kahdohnak a fak chinchin kho tiah a thanhmi kha a tling cang ko lai.

Laitlang Leiah Rallokap Mawtaw 10 An Kai. May 21, tuzing 10:50 hrawngah rallokap mawtaw 10 hna cu Kalay-Waibulah lam in Laitlang lei ah an kai tiah theih a si.

Hi a kaimi hna hi Sitha khua i meithal a kap lenmi kha an si, Sitha khuami cheukhat nih an chim.

CDF-Hakha nih Laitlang ah rallokap an chap chin lengmang hna caah kahdohnak a fak chinchin kho tiah a thanhmi kha a tling cang ko lai.

Falam lebang cu a hlan i a ummi palik kha hmundang ah an thial viar hna i palik thar tam ngai an chiah hna ti a si. Lumbang pawng kahdohnak an theih in Falam rallokap le palik hna cu ralring raktak in an um.The Chin Post

Kalay Peng Sitha Khua Cu Rallokap Nih An Kah Len.Kalay peng Kalay-Natchaung lam cungah a ummi Sitha khua cu May 21 zinglei ah Rallokap nih an kah len tiah theih a si.

Kalay in rallokap mawtaw 11 cu Natchaung lei ah an kal i Sitha khua pawng an phak ah bomb a puak, cu caah Sitha khuachung lei cu rallokap nih an kah lennak a si. Khuami an hliam hna maw hliam lo ti cu fiang in theih a si rih lo.

Hi rallokap mawtaw hna hi Natchaung-Waibulah lam in Falam lei ah kai an i tim tiah ruah a si.

May 21, tuzing 8:30 hrawngah rallokap khat tein a phurmi mawtaw pahnih cu Falam-Hakha lei ah a kai tiah theih a si.

Falam-Hakha lei a kaimi khualtlawng mawtaw hna cu Hriangzing khua in Kalay leiah an kir than hna. Tidim lei a kal ding mawtaw tu an lan.

CDF an cawlcangh a tha deuhdeuh i rallokap nih Laitlang ah an thazaang an chap chin lengmang ve. Kahdohnak a fak chinchin kho!

Pathian nih Laitlang le CDF thluachuah pe ko seh!Zalen

Be the first to comment

Leave a Reply

Your email address will not be published.


*