CDF-Hakha in nunnak petu hna ruak an laak lio, an vuicolh hna lai

The Hakha Times, June 6 June 5 zaanlei 4:30pm tluk, Hakha Khuathar ah bomb puahnak in nunnak petu hna ruak cu sii-inn ah an laak lio, Carson Baptist Church ah pumhnak service an hmang lai i thlaan ah an vuicolh hna lai, tiah kan theih.

“An ruak hi SAC ralkap nih la ko u, an ti ca ah atu (11:00 am hrawng) hi an va laak hna lio. Carson Baptist Church ah pumhnak service tawite hman a si lai i nunnak petu hna an inn cio ah an ruak kalpi a si ti lai lo. Pumhnak service a dih in No.1 thlaan ah kalpi in vuicolh an si ko lai,” tiah khua upa pakhat nih The Hakha Times ah a chim.

CDF-Hakha in nunnak petu hna cu; Salai Lai Kulh Thang, Salai Phun Sang le Salai Tial Chawn hna an si. An ruak hi inn phanhpi ti loin Biakinn pumhnak a dih lecangka thlaan ah vuicolh an si lai, tiah kan theih.
Photo_Crd The Hakha Times

Kawlram Khuate ah a cang mi thil si ning.
“Irrawaddy peng khuate pakhat ah hngakchia Kum(4) pakhat telhchi in minung (17) ralhrang nih an thah than hoi hna.Irrrawady ram tthen, Jungpeuo pengkulh Hleyswey Khua ah ngakchia pakhat, nu pahnih telhin minung (17) ralhrang nih an thah hna.

Primary Sianginn Sayamah nu nih sunghngakchia sianginn kaiter dingin a hal hna i khuami nih an kai ter duh hna lo ruangah. Lih le hrakhrawl in khuaah hriamnam a um tiah ralkap sinah report a tuah hna hnu ah. Deilei suimilam (3:00 AM) ah ralhrang nih khuami cu an luh hnawh hna .

A herh lo in ralhrang nih an hrem hna caah Khuami nih lung le thing le chai in an doh ve hna. An idohnak a fak chin thluahmah tikah kum (4) lawng a simi (1) nu (2) telhchih in an Khuami minung(17) an thi. Hi an idohnak ah hin ralhrang nih meithal he sniper he an hmanh tik ah a tu bantuk in a thimi an tam mi hi a si.

Khuami hna cu tih le phang in ramlak ah an zam dih ralhrang cu Khua ah an um ko caah a thi mi ruakzawng fimtu le hlamtu ngeih lo in a tu tiang ruak hna cu lam lai ah an um rih ko tiah Khit Thit Media nih a tial”Credit-Pastor Dawt Cung

Be the first to comment

Leave a Reply

Your email address will not be published.


*