CDF cawl canghnak thawngtha tete kan theih tikah kan i lawm cio

CDF cawl canghnak thawngtha tete kan theih tikah kan i lawm cio. Cubelte cu zu din rit pah buin meithal tlaih hi dothlennak tuah lio ahcun sungh zatlaknak a si i miphun dawt zong a si lo zia hi kan theih hmasa a herh lai.

Cun hmailei ahcun ralkap chungin zam a duhmi an um len te lai. Chinram ahcun kawl ralkap nih cun zamnak an thei lai lo caah him tein an zam khawhnak lam hi Chin ralkap nih lam sial piak thiam a herh lai. Cuti tampi an zam ahcun doh lennak hmanh in a miak deuhmi strategy phunkhat a si lai.

Cun ralkap station chung i a rian tuannak he pehtlaiin a lut chuak lengmang mi nih a chimmi cu Ralkap battalion timi hi an min lawng si. Ralkap an tlawm te a ti. Cucaah tulio bantuk i ral dohnak tual tampi ser hi kawl ralkap an thazang dernak strategy phunkhat a si fawn.Gate an cawnghter mi hna ralkap pawl tam deuh cu pension lak za cang pawl le dotla lo deuh pawl an si an ti. Hi pawl nak cun kawl ralkap nih a hman mi Dalaan pawl hi tih an nung deuh te lai.

Dothlennak kan tuah lio ahhin dinfelnak hi kan herh khun. Ral phun (3) kan ngei i kawl ralkap le zu le dalaan pawl hi an si.
Credit-Salai Tin Maung Win

CNF/A Hi Chin Miphun Kan Suttung An Si. CNF/A kong hi Online ah chim ceih cio a si i, minung pakhat le pakhat kan sining le kan hmuhning aa khat lo caah, i ruahthiam ah a tha bik lai! Keimah ka hmuhning cu CNF/A hi Chin Miphun kan caah suttung bak an si tiah ka ruah!

CNF/A hi rak um hlah seh law ti van ruat hmanh! Chin ramah zei bantuk hriamtlai dah a um hnga i, zeibantuk misual/Damiah bu dah an dir lai tihi a hohmanh nih kan chim kho lo. CNF/A a rak um hi cu vialte a um lonak hnga ka van vengtu, Chin Miphun caah kan suttung taktak an sinak alangh pakhat cu a si.

CNF/A hi rak um hlah sehlaw ti van raut hmanh! Chin Miphun hi zatzat hi ramtha kan phan kho lai lo. Chin Miphun ramtha kan phak khawh cu, Pathian a si an ti. Cucu ka pom ve ko. Asinain Pathian nih CNF/A hmangin lam a kan awn piakmi a si. Cucaah CNF/A thawngin a tam u cu ramtha a phan kho mi kan si! CNF/A hi kan suttung an si caah Pathain nih a hman hna. Anmah thawngin a tampi ramtha kan phan.

CNF/A hi rak um hlah sehlaw ti van ruat hmanh! Aluancia caan U Thein Sein Cozah chan ah khan ahodah a chawntu ding an um! Ramdaihnak kongah Chin Miphun chungin a chawn khotu a hohmanh an rak um lo. U Thein Sein chan ah ramdaihnak kong le kan Miphun kong a chim khotu cu CNF/A lawnglawng an rak si. Cucu kan Chin Miphun ah kan suttung an sinak cu si.

CNF/A hi rak um hlah sehlaw ti van ruat hmanh! Atutan uknak firtu Min Aung Hlaing nih Chin ram cu fawi tein a uk colh lai. Atutiang Chin ram ah Min Aung Hlaing Cozah nih rian an tuah khawh lo ning le kan tei hna mi khi Mipi dirkhamhtu kan suttung CNF/A Ruang kan ti kho maw? Atu ah Min Aung Hlaing Ralkap pawl cawn viar in a tuahtu CDF dirkamhtu, an hnu in a zaipoh a relteltu Chin Miphun kan suttung CNF/A dawh an si cuh!

Kan Chin ram Caah an chunmang tlinghram cang seh! Chin Miphun hna kan dihlak dodaltu si ti loin dirkamhtu si hna u sih! Chin ram cu kan ram! CNF/A Cu Chin Miphun kan suttung/ Kan hauhruangpi an si.Tincung Lian

Be the first to comment

Leave a Reply

Your email address will not be published.


*