CCU pakhat um khi Lairam caah a zaa tuk rih.Nizan hrawng kha kan pawlorh pawl ca thaimi ka hmuh i a ṭha ngaimi lo.

Naan, kan dirhmun he aa tlak rih lomi an si tin kei cu ka hmuh.Hakha ah cozah Univ um sehlaw, Kawlram a kenkip loin sianginn an hung kai lai ti si. An hung kai nemmam lai loh. Quality a nei lomi, YGN le MDY ah aa ṭuu kho lomi Kawl hnawmtaam lawng an hung kai lai, cucu ai fiangmi si.

Chinram chung pengkulh chung minung pawl nih an panh duh nemmam fawn lai lo. Ramdang khuasa an chungle ibochan in YGN le MDY ah Chin phaisa nei deuh le cathiam deuh nihcun an fuhpanh dih thotho lai.

Cu pinah, cachimtu pawl khi Kawl ngawt lawngte an si telai. Ralkap chan i ca a rak cawngmi duhpaoh i cataang a rak kaimi pawl nih siang cachim an hung ṭuan lai. Ziknawh le eibaar cu a phungah a ruat cangmi pawl nih Lainu le Laipa cu an hrawh dih te hna lai.

Democracy chung zalennak taktak i kan miphun nih Kawl phun party uknak tang i van luh dingah cun, kan tuan tuk rih. Mah hihi kan pawlorh mifim pawl nih nan theih a herh ngai ti in ka ruah.

Kawl cozah nih GTI hrawnghrang a cawnpiakmi phun khi cu ramdang ah cun vocational level si ko cu. Private nih hmual ngei deuh le thuk deuh tukin tuah khawh a si. Singapore lam cu Lee Kuan-Yew nih biatak tein a rak tawlrelpi hna.

Korea hna ahcun, an cozah pinah private pawl ko hmual an ngei.Langhter duhmi cu, cucu an sak khawh, cucu an tuah khawh ti khi a herhlonak i ibarh he ai lo. Cucaah Hruh le Barh Ṭhanchonak hna ka thai phah ve khah!

Atu kan dirhmun ningah cun, CCU tang tu khin ṭeng-nge cawnnak tete timtuah khawh izuam rih ding si. CCU tu khi Kawlram chung min a va ngeih le ngeih lo biapi lo, ramdang he direct in ai pehtlai kho dingmi a si khawh nak dingah ramleng cacawng kan naule, kan fale hna nih a tlawm bik kum 2 cio tal maw tbk in volunteer phun in rianh hmasa a herh.

A herh lo ṭhanchuknak infrastructure pawl Kawl party cozah tang i nan samh ṭhup ah cun, Laitlang milu ahkhin Lai nakin Kawl an tam deuh tuk te lai i cu tikah cun, pura hnuainak le pungki rawl pek in kan techin fapar pawl cu zingchiar an ibuaipi telai.

Mah tein ithim awk si ko. Kawl va rem lo kha si loin. Kan miphun le kan ram te khi kilven ve cu hau cu. A bikin kan pastor te hrimhrim cu Israel miphun hna a rak zohkhenhtu profet hna bantuk khan miphun ah lungfim a herh ngai.

Pawlorh pawl, nan paw puar lo ding khan, mah le mah icontrol hmaisa ulaw, tu ka buaimi hi fiangpup in nan hmuh khawh telai.
Democratic Cozah timi khi nanmah nih va biak ding an si lo. Nanmah caah rian a ṭuan ding tu an si.fak pah hoi ial.Credit-Salai C Alexander

Be the first to comment

Leave a Reply

Your email address will not be published.


*