CBCUSA in CDM bawmhnak $520,000 a chuak cang, an kuat hna lio si

CBCUSA in Hakha, Thantlang le Kalaymyo CDM ca ah $520,000 a chuak cang, atu hi an kuat hna lio a si, tiah kan theih.

“A voi khatnak ah khan $200,000 kan kuat cang hna.ย  Atu hi a voi hnihnak $320,000 kan kuat lio a si. Hi bawmhnak hi a trip khatnak cu Hakha, Thantlang le Kalaymyo ca ah a si. A trip 2nak ah Tonzaang in Paletwa tiang, Gangaw, Mandalay, Nay Pyi Taw le Yangon tibantuk zong bawmh khawh kan i zuam te lai,” CBCUSA President Rev. Dr. Thawngling Mualhlun nih The Hakha Times ah a chim.Credit-The Hakha Time

Adang relthan:SAWMLI Relnak cu zeicah a BiapitHAKHA khuapi nih hramhram in uknak firtu Ralkap kan duh lonak kan langhternak cu ni SAWMLI a tling ve cang. Pehzulh tein ni SAWMLI chung kan duh lonak hna cu bom le zen tiang pah in kan langhternak nih hmailei caan chung zong ah mizapi nih thimmi cozah kut ah Ralkap nih an firmi uknak an ap than hlan tiang le a phung loin an cawlcanghnak an ngol hlan tiang cu mizapi dothlen cawlcanghnak cu ngol kan i tim lo. Hi ni SAWMLI pin lei caan zong ah hinak in thawng chin lengmang in duh lonak cu langhter kan i tim timi sullam a langhnak zong a si chih.

Kan zumhnak a kan thihruaitu kan BAIBAL zong ah SAWMLI timi sining nih hmelchunhnak a langhter tawnmi cu THLENNAK sining hna hi an si tawn. Tahchunhnak

(1) Vawlei cu minung sualnak nih a thurhnawm ter caah Sertu Pathian nih ni 40 le zaan 40 chung a tawl, (2) Moses cu Sinai tlang ah Nawlbia cohlan awk ah ni 40 le zaan 40 a um,(3) Kum 40 chung thetse ramcar chung ah hngalhnak an cawn dih hnu ah kamhmi ram ah Israel cu luh pi a si.

Hi bantukin SAWMLI nambar relnak he a pehtlai in kan BAIBAL ah voi (146) reng lo hmuh khawh a si. Cu nih a langhter duhmi cu relnak SAWMLI cu thlennak sining caah biapimi sullam a ngei tinak a si ko.

Hakha Dothlen cawlcanghnak ni 40 chung kan kalnak zoh tik ah thazaang khat tein le rualremnak te he karhlang mi sining nih khuapi muisam a cawnsan. Cun bukip fonh biaknak cawlcangh tinak nih Khrih ah pumkhat kan sinak muisam a fianter chin tik ah Biaknak lei sining ah Khrih lungput a leng tiin hmuh khawh a s. Cu hna vialtenak hmanh in lunglawmh awktlak a simi cu ram hruaitu tha mino tampi an chuak hna i an mah pawl hi hmailei Laimi kan arfi kan thlapa hna an si timi ko nih mizapi kan lung a kan hmuih khun.

Ni SAWMLI pin lei zeitin dah kar kan hlan ti hna lai? Rianulhnak CDM cu nihin kan Dothlennak ah a biapi taktak mi hriam pakhat a si. A telmi nan zapi miphun nih upat kan in pek hna. Min cazin menmen si loin mah mipum hrimhrim in rianulh taktak a herh ko lai. Kan i thimmi cu a fawimi a si hrimhrim lai lo sihmanhsehlaw a dikmi le a hmanmi le a hmun ding an si timi cu philh cio hna hlah u si. Cun mizapi zong kan lung dong hrimhrim hlah u si. Lungrual tein kan kaltinak nih a hman lomi uknak cu kan thlak khawh hrimhrim ko lai. Zeicah tiah Dingthlu Lairel Pathian a tihzah i a bochanmi miphun kan si. Bawipa cu kan teinak hrampi a si zungzal ko lai. Ni SAWMLI tiang lam a kan hruaitu Pathian min thangthat si ko seh. Cun a ra laimi ni SAWMLI pin lei kar kan hlannak ding caah nizaan le nihin le zungzal in amah ning a si ko mi BAWIPA KAN PATHIAN sin ah kan nun ap cio than ding in kan sawm ko hna. SiapiraldoWhatsHappeningInMyanmar
WhatsHappdningInChin SupportCDM
HearOurVoices LairamCaahLaimi

Be the first to comment

Leave a Reply

Your email address will not be published.


*