Canada Chin mi nih kan pa bik ah kan iruah i kan bochanmi kan pa Dr. Tam Aung Ling nih November 23, zinglei 10:05 ah ruahlo tuk in

Canada Chin mi nih kan pa bik ah kan iruah i kan bochanmi kan pa Dr. Tam Aung Ling nih November 23, zinglei 10:05 ah ruahlo tuk in heart attack in mual a kan liam tak i Ottawa Laimi cu ngaichiatnak in kan lungthin a kuai lio caan te a si.

Ka pa hi kan ngakchiat lio Haka kan inn ah sekhan a rak tuah i hmunkhat te ah khuasati hna kan rak si. Cun kawl ah an ithial I mah hnu cun ram chung ah kan itong ti lo nain Canada ram Ottawa khua ah inn pa tein khua kan sa ti than.

Kaa zumh kho bak lo ee ka pa aww. Nizan rian ka tuan lio 3:33 pm ah a rak ka chawnh i na tin in kan rak in leng hna lai a ka ti. Snow tla I 8:50 pm ah a rak ka chawnh than caan rem deuh tu thaizaan ah a ka ti i sau nawnte phone in bia kan iruah. Mah lai hi rak thei ning law cu keimah tu ka rak in leng taa hnga. Kaa lungsi kho bak lo. Ottawa ahhin keimah hi a ka dawt bik le a ka tlaihchan bik ka si. Ka pa pi si ko nain hawi kawmh in a ka kawmh. Mifim ca thiam a si bantuk in a sin um a nuam tuk. Amah nih a ka len chel keimah nih ka len chel a si i chunnitlak bak te hna bia aa ruah khomi kan si.

Ka pa can bantuk le hawkawm tha bantuk in kaa bochan tukmi a si. A fa le zong nih an u tak bantuk in an ka tlaihchan ve. Ka pa na sin umthut le biaruah kha keimah ko nih ka rak hlam bik te lai hi. Ka pa ruahlo tukin na kan liam tak nain Aung Ling Mang le a nau le vialte dirhmun fekte ngei le bochan mi ah an ichuah dih i lungsia herh lo tein rak i din law mu. Na dawt Puze.

Be the first to comment

Leave a Reply

Your email address will not be published.


*