Camp Victoria le UCCF KaDairy Kau thannak.Asau pah caah lungsau tein muh.

Aluan cia kum 2002-2003  lio ah khan khua te khua Bawi vial te cu ram ri Tipi kam ah CNF/CNA nih ton biaruahnak meeting an rak ngeih pi hna.Thil um tu ning le ram le miphun kong lawng si loin Camp Victoria(a hlun,mixoram) UCCF  ah hin postor kan ngeih lo caah nan khua mi pastor hna maw asi lo ah Thawngtha chim tu hna zong nih kan tlawng pah ve hna seh tiah khua bawi pawl bia an rak cah chih tawn hna.

Cu kong cu B.Th ka dih kum 2005 kum ah SiaLam khua Bawi pa nih a rak ka chim tik ah ka thinlung ah arak tap tuk ve tik ah 2005 May Thla ah Camp Victoria kal ding in kai rak thawh.Van chiat ah India ralkap he an rak i do caah an Camp in hmun dangdang ah an rak thutdir lio pi asi.Saiha khua ka phak ah Saiha Lai Fellowship ah Thawngtha ka chim.Mah ni ah cun Taksa in ka pu asi mi Col.Pu Solomon le a ralkap an rak i pum ve.Thawngpang kan i hal tik ah Camp victoria ah tu lio cun kal awk that rih lo caah Kan um chung nak ah rak kan umpi riak ko kun law a ti ii Saiha Tlangkawn Bazar thlang inn an hlan nak ah a rak ka kal pi.Cu hnu cun a mah mawtaw in Aizawl ah a ka lanh pi than ii kei zong Master peh than ding in Bangalore lei ah ka rak kal ve..

Kum le caan cu an liam ii 2008 ah Aizawl Carson Baptist Church ah Crusade ka rak ngei ii cu lio ah cun  CNF/A um nak ka pu mon te in ah ka va riak than.Pu Paul,Pu khua Uk,Pu Thomas,Pu Thet Ni tbk Upa pawl he hngalh theih nak a kan tuah ii an zung pi Pu Paul Smith umnak khan pong ah Thlacam nak ka rak ngeih piak hna. Rihkhua dar ah Kawl cozah he i ton ding timi thawngpang a len lio pi asi.2012-2013 Global Family(NGOs)ah part time in rian ka rak bawmpah ve tawnhna 2013 kum thok ka ah URO-BURMA Ah Director atuan mi Pu Victor Biak lian Khuakhan Tawlrel piak nak in Hakha,Tidim, Falam,Thantlang khua ah DEMOCRACY INFORMATION AND HUMAN RIGHT  timi Tlangtar in SEMINAR kan rak tuah.. 2013, March 20 CHIN REVOLUTION DAY ah Camp Victoria Tlanglo TIO cu kaphan Kawlram ah Mission le Thonginn ah mission rian tuan mi ka si bantuk le a hlan te in kan unau CNF Asin ah thawngtha chim hi ka rak duh mi asi zungzal ban tuk in ka thinlung mit in ka hmuh mi hna cu Ka hmun Camp Victoria hi mission tuan a herh ti kha asi .

2013,October thla TABC zung ah Seminar ka dih in Camp victoria cu ka phan.Sayakyi Lian Chawn (Tleicia) Nih a ka chim mi cu ka hin Theithu dum ka tuah ve ii ka sikhawh chung in zarh ah hin tlung lo tein Thawngtha ka chim tawn hna ati.Thingpum cung ah vawlei ah kan thu,Palastic khuh mi thlam chung te ah kan i pum.Pu hre  (Col.Hre) le Pu Paul(Col.Tleicia) nih namtong in PULPIT an seih an ser mi te cu puan rang te kan khuh.2013,Nov ber Chin Conference pi cu Hakha ah tuah ding asi caah Khual tlung 100 reng lo ram chung ram leng in CHINMIPHUN  hruai tu upa hna CAMP victoria cu an hung phan hna.

A nuamh khawh ning cu inn zong arak um rih lo Thlam chung teah asi ko nain khuasik zong kan rak thei hna lo.Zanfate Pumhnak kan tuah THAWNGTHA KA CHIM PENG .Vawlei cung ah upat awk a tlak mi ka pa le sin ah zanfate ni 10 le Thawngtha ka chim khawh mi cu kai lawmh nak a tling..Joshua le Nehemiah ca uk ka lim.Chun poh ah meeting le ton pumh bia ruah nak kan ngei hna.Ni khat cu Kan Pu Lian Uk nih “WE ARE ONE IN CHIN ” ti mi lung kan phun hna lai a kan ti.Ps 133 kha ka rel,tlawmpal chim fian nak ka ngeih hnu ah Lung cu kan phun(kan khin) hna. Ramdang Chinland Club hna nih Sia kong ngantak  an kan thah piak.

2013 kum cun Camp Victoria UCCF ah mission rian cu ka miphun le ram caah nunnak a pe mi hna sin ah ka sikhawhtawh tuan pi ding in biakhiah nak ka tuah, keimah tein kai pumpe.

2014 March thla ah a tu UCCF BIAK INN khi Zing arkhuang ah Col Pu Biak ling le Sakhan hmu Chairman Cap Bawi thang hruai nak in a kil tungphunnak le thlacam nak kan tuah hnu ah Farrrawn unau hna nih an kan sak piak..2015 ah tlamtling tein kanhman khawh.

2013-2016 Camp victoria UCCF mission ah Chin pasal Nusal 40 reng lo nih Tipil nak an ing. Bawwipa Zanriah caan hman tein kan hman. Ralkap pawl caah Pocket Bible uk 600 kan chuah.Bawipa zanriah sernak kheng hrai siseh, Herh mi dangdang kan bawm tu hna cu Rgn um Lian mang,Tluang lian,Hakha Mann,Van Iang Zi hna hi an si.

Camp victoria ka phak ka te hin mitam pi pastor telh in na tih lo maw kan ram hi a tha  taktak rih lo hi kawl cozah nih an in ngiat zoar ko lai dahkaw, kan mah lai tlang Hakha Thantlang um .i hmanh nih kan kal hnawh ngam hna lo,na um peng mi hi a tha lo a rak ka ti tu pastor zong an tlawm lo.Bawipa thawng in 2013-2016 Macrh tiang ah Bawipa nih akan um pi.

2015 Biakinn ai lim hnu cu TABC  pastor te zong an vun um kal thluahmah kjo ve cang.Hmun dangdang in Pathianrian tuan tu zong an rak phan hna.Crusade le camping tiang a hong um kho.Rev.Biak Za lian JMBC Penson nih pumpek in um pi hna.2016 January thla thok in HBA nih atu Pastor tuan lio mi Rev.Tluang hre cu thla 6 cain an van thlah ve..20 march,2016 a dih bak in Hakha Than Tlang ah Gospel team kal ding in timhtuah asi Pu mon nih Tupung Gospel arak ti.Zan chiar te hla kan cawng.

kal caan a hung phan kan ii ngaih bak,Thaizing kip thawh ding asi zan hla kan cawn cuah mah lio ah Sit Usichauh Ralbawi bik Pu Hrang Tin Thai nih Capt.Pu Biak Chairman a vun auh, Pastor te an pa hnih kal cu asi thiam lai lo,kei mah thaizing khual kal ding ka si ve caah Pakhat Rev.John F.Thawng kha cu Camp ah um pi ko hna selaw a ti tiah a vun kan thanh cu cikhat cu ka duai ngai asi nain Bawipa khat nih khua khan mi le Bawipa ramruat asi ko ka ti ii tha ko kei cu ka um ko lai kan zul duh than hna lai lo ka ti ii Camp ah cun ka um than.
Gospel Team an hung kir hlan deuh te ah Rangoon lei in kafa le sianginn kai nak kong ah a herh tuk mi um an ti caah Rangoon lei ah kakal..

Cu ti cun Camp Victory Ka mission rian cu lunglawm te in ka kal tak.Nihin ah cun miphun dawtu unau hna le Pathian thawng in UCCF  cu khrihfabu ngan pi pakhat bantuk in a dir ve cang..
Bawipa nih miphun le ram daw tu Daihnak in pe ko hnaseh..

Atang ah video ka chiah chih rak bih ve.
Hlabia..Rev.Dr.John F.Thawng Hla Aw..Cung Nung Bik.Pstr.Sang Zual Hlasa..Sui tha par Videohttps://m.facebook.com/story.php?story_fbid=2908365799396459&id=100006692011602

Be the first to comment

Leave a Reply

Your email address will not be published.


*