Caankarlak Mindat Khua Uknak Phu nih khuami nunnak a him ti lo, tiah an thanh

May 14, chun hnu 2:25 tiang Mindat khua Nichuaklei le Nitlaklei ah kahdohnak a um rih ca ah Caankarlak Mindat Khua Uknak Phu nih, “Khuami nunnak, inn le lo a him ti lo,” tiah an thanh.

Caankarlak Mindat Khua Uknak Phu thawng a thanh mi chung ah, “Nichuahlei ah Palek Sakhaan, Nitlaklei ah 274 Ralkap an um i, sniper le hriam ngan in kahdohnak an tuah ca ah, CDF in aa hliam mi hna thlop in kan kalhnawh kho hna lo i bawmhnak zong kan pe kho hna lo. Khuachung zong ah hriamnam ngan mi an thlak i, min= aa chawklet mi zong sniper pawl nih an kah hna ca ah khuami nunnak, inn le lo a him ti lo,” tiah an langhter.

May 12 zaanlei in Mindat khua ah CDF le uknak latu ralkap an i kap than i, May 14 tiang ah kahdohnak a dai rih lo. CDF lei in aa hliam mi le a nunnak a liam mi zong an um nain, ralkap lei sniper hna le hriam ngan hman mi ruang ah bawmhchannak tuah khawh a si lo.  May 13 TV News: Credit-DVC https://youtu.be/OT7-ZVS-_YM

Be the first to comment

Leave a Reply

Your email address will not be published.


*