BreakingNews: Loklung Khuami Ramlak ah an Zaam Dih Hna

Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih.

Khuachung ah ngandamlo chungkhar pahnih lawng an taang i SAC ralhrang nih inn pakhat zong an khangh tiah pastor pakhat nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a a chim.

Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial. The Chin Journal
May 19, Hakha

Hakhathar ah Pi Ni Can Meithal Kuan nih a Khen.Nihin zaanlei ah Hakhathar a innchung ah a ummi Pi Ni Can (kum 33) meithal kuan nih a khen , tiah thawng kan theih.

Hakhathar ah meithal puah thawng a than lio ah Pi Ni Can hi ihnak khaan ah aa thup i meithal kuan nih a rak khen hi a si.

Sang mi pakhat nih, “Innchung aa dup lio ah meithal kuan nih a phei ah a khen. A kuan a taap nain zualhma cu a si lo,” tiah a chim.

Ahote kahmi meithal kuan nih a khen timi fiang in theih a si lo.

Edited: Lam aa chawh lio ah si loin ihnak khaan ah a um lio ah a khenmi a si The Chin Journal May 18, Hakha

Be the first to comment

Leave a Reply

Your email address will not be published.


*