Breaking_News Hakha Pengkomh in Palek Mal Sawm a rian in a chuak, CDM ah a luut

Hakha Pengkomh (Khayaing) ah rian a tuan mi, Thantlang Peng Hriphi khuami, Palek Mal Sawm cu March 2 ah Ralkap uknak tang ah riantuan ka zuam hrimhrim lo, a ti ca ah March 2 ah a rian in a chuak i CDM ah a luut, tiah kan theih.

“Kei hi 2017 kum kha Palek ah ka luut. Thla 6 chung har taktak in training ka kai. Cu hnu Nay Pyi Taw ah kum 2 le cheu rian ka tuan
manh.Atu Hakha ka vun i thialnak hi thla 6 a tlinnak bak a si. Rian ka tuan chung ah Pathian thawng in voi khat hmanh dantat (azi-zut) ka tong lo i ka thlahlawh pin ah tangka fang khat hmanh ka la bal lo. Kaa tinh mi cu, kei hi University ah Distance in camipuai ka phi pah i ka dih tik ah Officer rank (ayar-sih) in ram le miphun ca ah biatakte riantuan hi a si.

Asinain, nihin ahcun kan ram cu dinlonak in riantuan an kan fial. Cucaah, Pathian duhnak a si lai tiin CDM ah ka luhnak a si. An ka tlaih sual ahcun Palek zulhphung bantuk in fakpi in dan an ka tat ko lai nain Pathian bochan bu le mizapi dirpinak thawng in a tha ko lai, tiah kaa ruahchan,” tiah Mal Sawm nih The Hakha Times ah a
chim.

Amah nih chuahnak ca a tial mi ah, “March 2 ri in Zung ka kai ti lai lo i CDM ah kaa tel cang lai. A ruang cu Ralkap uknak tang ah riantuan ka zuam hrimhrim ti lo ruang ah a si. Ka rian ka upat, ka dawt ko.

Zung le rian in ka chuak lo. Ramkheel rian ka tuan a si lo. Ka cunglei upate nawlngaihlo le zeirello in ka um a si lo. Rammi ca ah riantuantu ka si bantuk in daite in rammi sin ah CDM ka tuah cang lai,” tiah cathanh a chuah.Credit-The Hakha Times

Be the first to comment

Leave a Reply

Your email address will not be published.


*