Breaking_News Hakha Cawbuk kahdohnak ah ralkap minung pali an thi, tiah kan theih

Hi kong ah kahdohnak kiangkap i a um mi pakhat nih, “Pali hi an thi lai kan zumh. Pali nak tam zong an si kho. Ralkap kan hliam mi hna zong an um len. CDF lei tu cu aa hliam mi kan um rih lo,” tiin DVC ah a chim.
DVC

Rev. Dr. Hai Vung Lian, We think about you always We talk about you still You will never be forgotten And you never will We hold you close within our heart And there you will remain Walk and guide us through our lives
Until we meet again

Nai hrawng cu khat lei khat lei in thihnak thawngpang lawng te theih asi i lung a caw, khua dang ruah khawh asi lo. Zei tluk in dah kan chan a tawi ti hi kan hngalh ter law kan fim deuh lai (Psalm 90:12) ah kan hmuh bang, thihnak kong hi ruah lo awk zong a rak ttha hrim lo mi asi.

Kan dam lio ah cun kan chim kho kan rel kho, kan ni kho kan ttap kho, kan tthu kho kan dir kho kan per choi kho… minung nih kan tuah khawh mi a hei tam khawh ning hi mu. Hi vialte tthawnnak hi khoika in dah a rat ti bel te hi a ruat mi kan rak tlawm te tawn ko rua.

Nunnak a ngei tu taktak Pathian arak si zia hi thei fiang cio usih law a va ttha hnga dah. Kan nun kan dam lio ah hin Pathian thawng in kan nung kan cawl kan cang kho ti hi kan ruat tuk hna lo i cu ruang ah kan mah duh salaam in kan nun le kan caan hna hi kan hman ttheu tawn.

Pathian nih a tthawnnak a pelte akan kan zuh (minus) piak i aholh kho mi kan hong holh khawh lo tik ah, a kal kho mi kan hong kal khawh ti lo tik ah, khua hmu tawn mi khua kan van hmuh khawh ti lo tik ah, a cawl a cang kho mi kan hong cawl cangh khawh ti lo tik ah zei tluk in dah aw lok a chon le si a vangh cang mu. Duh tawk i kan kaa tlum lo tiang i kan thaw kan chuah mi hna oxygen he kan van si hnu i thaw chuah kongkau te hmanh a hei buai khawh cang ning khi.

Pathian nih aza ati i a tthawnnak vialte a laak dih i kan minung sinak lawng kan taan tik khi kan thih ni cu a hei si ko i cu tik ah azei te hmanh chim awk kan hei um ti lo ning le a ran khawh chung i a rawk a ral colh ding kan hei sining te hna nih hin zei tluk in dah Pathian nih kan nunchung vialte arak kan tthawn ter peng ti hna hi hong kan ruah ter cio seh law akan thih taak mi hi thih man an ngei deuh suaumau ko hnga mu.

Kan nunchung vialte Pathian tthawnnak i tthawn ter peng mi kan si tluk i theih a herh mi hi a um ti hnga maw?A hlei ce in atunai te cu kan hawikom ttha Rev. Dr. Hai Vung Lian thlan a tlaak asi.

A nih cu special vision Pathian nih a peek i miphun ca ram ca lawng hmanh si lo thingkung ramkung vulei le vaan ca, ramsa le thli le boruak vialte ca tiang in khua ruah kawhhnak a hlei in Pathan nih apeek mi asi, Amah Pathian zong nih a rian fel te in ttuan ding ah ai thim mi asi i cu ti cun a caan man ngei ngai le sung lawi ngai in a hman cuahmah lio ah Vulei cung a cuul cuahmah mi Covid rai in a nunnak a liam ruangmang ve. A kan liam taak ruang ah kan ngaih a chia, kan um a har, kan lung aleng, kan van a sang ko.

Rev. Dr. Hai Vung Lian nih hin vulei hi man a ngeih ter hlei ko, minung zong hi man a kan ngeh ter hlei ko, cu nihcun Pathian zong sunparnak a hei peek chin ko.

Cu vialte nak hmanh in ni hin ni ah hin Minung hi Pathian tthawnnak lo in zei tluk in dah kan si khawh lo (Vulnerability) ti hi van ruat deuh cio hna usih law Pathian tthawnnak hi pamhhmaih lo in le man ngei te in kan nunchung vialte hmang cio hna usih law ti hi kan hawidawt Saya Vung nih akan roh ta mi bia asi ko rua ka ti.

Rev. Dr. Hai Vung Lian hi CRDP (Chin Relief and Development Program) nih kan i bochan mi kan pa asi. CRDP hi amah neh le nang lawng te asi. Kan hlam zungzal ko lai.Salai Bawi Uk Thang President Chin Relief and Development Program

Be the first to comment

Leave a Reply

Your email address will not be published.


*