Breaking Thantlang ah COVID-19 mizaw 3 hmuhchap, mizaw 10 thlopbul lio an si

The Hakha Times, June 22 June 22, Thantlang ah COVID-19 zawtnak minung 40 an check than hna i minung 3 sin ah zawtnak an hmuhchap, tiah kan theih.

“Mizaw 8 kan rak ngeih mi hna he minung 11 an si cang i cu chung ah pakhat cu June 20 Hakha sii-inn ah a nunnak a liam cang,” tiah COVID-19 Emergency Response Committee, Thantlang in tuanvo ngeitu pakhat nih The Hakha Times ah a chim.

Thantlang ah COVID-19 mizaw hi a voi khatnak June 17 ah minung 20 check an si i minung 8 sin ah zawtnak hmuh a si. A voi hnihnak hi minung 40 check an si than i minung 3 sin ah zawtnak hmuh a si.
Photo: A luancia Thantlang ah COVID-19 zawtnak check lio a si. The Hakha Times

Adang rel than:Philippines ram ah tuah timh mi “Miss Teen Tourism 2021” zuamnak COVID-19 ruang ah nithla thawn.The Hakha Times, June 22 July thla chung Philippines ram Manila khua ah tuah rak timh mi Miss Teen Tourism 2021 cu COVID-19 boruak ruang ah August thla ah thawn a si, tiah kan theih.

“Keimah leikap cun kal ding ah ready ka si cang. Timhcia ka si ko nain COVID-19 boruak ruang ah a nithla cu August thla ah thawn a si,” tiah Myanmar ram ai-awh in zuamnak ah a kal ding mi Miss Ruth Par Tin Dim @ Angelina Ruth nih The Hakha Times ah a chim.

Amah hi NewFace ti mi Model Agency nih tuah mi Miss zuamnak ah Winner luchin cotu a si i Myanmar ram ai-awh in Philippines ram ah kal aa timh hi a si.The Hakha Times

Be the first to comment

Leave a Reply

Your email address will not be published.


*