Breaking News: Thantlang TCBC Pastor Ngun Thawng Lian ralkap le palek nih an tlaih

2021 March 27 zaan suimilaam 9:30 tluk ah Thantlang Centenary Baptish Church Pastor Ngun Thawng Lian cu ralkap le palek nih a inn ah an luhhnawh i an kalpi tiah a hmutu sin in thawng kan theih.

A hmutu pakhat nih, “Suimilaam 9:30PM tluk ah an luhhnawh. An kalpi lio ka hmuh ko. Amah a si ko,” tiah a chim.Pastor Ngun Thawng Lian inn an luh hnawh hlan ah Thantlang Youth Association zung zong tawh an bouh dih i an luhhnawh tiah theih a si.Photo hi tuzaan ta a si lo. Credit-The Hakha Post

Adang relthanThawngfianhnak kan tuah lai tiah Sayamah Sung Hlei nih a Facebook ah a tanglei bantuk in a langhter .Miphun Leirawitu le Zuartu Kan Silomi Fianternak.Keimah Mih Nge le keimah Sung Hlei nih march thla 27 ni ah Hakha Campaign For Justice nih sullam ngeilo le ruahdomh rumro in miphun leirawitu unau hna tiah vawlei cung mipi hmuh dingin an kan phozarmi kongah kan si hrim hrim lomi fianternak tuah kan duh.

Atu lio kawlram ah minung nunnak tampi liam in duhlonak langhter lio le ngaihchiat lio caan ah hin zei bantuk ruang hmanh ah mipi leirawitu le zuartu kan silonak kong cu march thla 28, 2021 suimilam 10:00 am ah kan umnak inn a simi Mucu Sang IBC biakinn hmai Pyidawta ah press conference kan tuah lai i a duhmi nih bia hal khawh le thawngpang laak khawh a si lai tiah thawng thanhnak kan tuah.

Be the first to comment

Leave a Reply

Your email address will not be published.


*