Breaking News: Hakha khuapi chung hmun cheukhat ah ralkap nih an bawh i an tuk hna

2021 March 27 zaan suimilaam 7:00 luan hrawng in Hakha khuapi chung hmun cheukhat ah ralkap le palek nih aa choklet mi an bawh hna i an mituknak fung in an tuk hna tiah thawng kan theih.

Fungtuk a tongmi minung pakhat nih, “Atu nai te ahkhan ka chuak i Cherry lam ah ka motorcycle an ka dirter. Ka keeng ah voikhat an ka tuk. An chim ning ahcun a ra mi poh, a chok mi poh kan dirter ti hna lai lo. Kan kah cang hna lai an ka ti. Motorcycle pahnih zong an ka kham lio ah an ra i an kham ve hna. Asinain, an zaam i ralkap le palek an thinhung chinchin. Kah an timh hna nain, an kap manh hna lo,” tiah a chim.

Atu zong hi Hakha Cherry lam le Khuathar BOC pawngkam hrawng ah ralkap le palek an um. Atu suimilaam 8:30PM tiang ahcun tlaihkhih a tongmi an um rih lo tiah kan theih. Photo/Crd The Hakha Post

Adang relthanKayin Hriamtlai KNU nih Myanmar Ralkap Sakhaan an Lak.Nihin zinglei ah KNU nih Phapon District chung, Tanlwin tivakam ah a ummi Thimuhtar tlaang cung i Myanmar ralkap sakhaan pakhat an lak, tiah theih a si.

Myanmar ralkap a thimi an um len pin ah a nung in an tlaihmi hna zong an tampi.Myanmar ralkap nih KNU hi ton biaruah ding in a sawm nain KNU nih, “Nawlngeihnak nan chuhmi nan pek tthan lawng ah kan i tong lai,” tiah an rak leh hna.

Nihin zing KNU le Myanmar ralkap kahdihnak ah Myanmar ralkap lei in ralbawi pakhat telh in minung 10 an thi i a dang minung 8 an tlaih hna.By-The Chin Journal March 27, Yangon(KIC)

Be the first to comment

Leave a Reply

Your email address will not be published.


*