Breaking News Hakha Chin Oo Sii sang khuasa Pi Noami Lian nih Zungkai ti loding in le CDM ah i tel dingin Chin Oo Sii Mino Bu sin ah a chim

Breaking News Hakha Chin Oo Sii sang khuasa Pi Noami Lian nih Zungkai ti loding in le CDM ah i tel dingin Chin Oo Sii Mino Bu sin ah a chim caah a cungah lunglawmhnak tampi kan ngei.

Cucaah, Online Media, Media hna le pumpak facebook page ah Noami Lian konglam nan tar mi vialte nan rak delect than colh nak lai Upatnak he kan in nawl hna. 2021 March 1 Chin Oo Sii Mino Bu

Adang relthan:Ralkap uknak a hrihhrampi cu 2008 uknak phunghram hi asi ko. Tulio ralkap an thiltuahmi a ratnak hrampi (legal basic) zong 2008 uknak phunghram s. 417 le s. 419 in a rami kha an si. Ralkap uknak le 2008 uknak phunghram cu aa khatmi an si. Phun dang cun: 2008 uknak phunghram hrawh le ralkap uknak hrawh cu aa khatmi an si.

2008 uknak phunghram hrawh khawh tung lo ahcun zeibantuk mipi thimmi cozah tang kan hei um zongah ralkap uknak tangah tlak bantuk thotho khi asi.

Myanmar Egress hruaitu Dr Nay Win Maung nih ralkap le USDP cozah upa kha a rak ti hna, “tlangmi hriamtlaibu he ichonh hi tih ti hlah uh, kahcham 2008 uknak phunghram a um cang hih” a rak ti. Cu caah an kan chonhmi kha a rak si. Hi an kahchampi tangah kan duhmi thil det hi lungtumpi ke in chuih khi a lo.

Tulio ah 2008 uknak phunghram hrawh lei khi biapibik aupimi si lem loin 2020 election results tangah cozah sernak lei kam deuh a ruatmi tlangmi hruaitu an um pah hi a poi tuk!

2008 uknak phunghram kan hrawh khawh lo sual ahcun CDM ah mi nunnak mah vialte an pekmi hi a paamhmai tuk lai.

Pyidaungsu Hluttaw ah voi 2 remh dingin kan chuahpi i a sung. Upadi lampi ⟨legal means⟩ cun ruahchan awk a um ti lo. NCA lampi hi cu Jesuh ṭum tiang hna kan rau sual lai.

1988 mipi cawlcanghnak nih “dictatorship one-party socialist state” kha a hrawh bak ko. Phundang cun: 1974 uknak phunghram kha a hrawh ko.

Tulio CDM hi 2008 uknak phunghram hrawhnak caah caanṭha bik a hun chuakmi asi. Pathian khuakhan zong asi men lai.
Salai Van Lian Thang supportCDM

Be the first to comment

Leave a Reply

Your email address will not be published.


*