Breaking News Chin Mi Chung In Bochan Mi Kan Pa A Si Mi Rev. DR Hai Vung Lian Nih Mual A Kan Liamtak

Kan Chin mi chung in kan I bochan mi Rev. Dr Hai Vung Lian nih a kan liamtak e tiah Pu Van Ceu UK nih a Facebook ah a tar. Dr Hai Vung Lian hi nikum ah Covid_19 nih a rak tlak I fak ngai in a rak zaw dam lei a hungpanh deuh cang tiah kan hna a hung ngam lei ah a tuban in ruah lo a kan liamtak cu ngaih a chia tuk hringhran.

Chin mi kan suttung pakhat a pur ruangmang.  Tantak mi chungkhatlr Bawipa nih in hnem ko hna seh.

A tang lei ca hi Van Ceu UK nih a sian lonak a tial mi a si.NA LIAM THAI AI KO MU.Rev. Dr. Hai Vung Lian (Hanna pa) na kan liam tak thai ruangmang ko lai maw. Ziah hme mah tluk lawmmam cun na chan a tawi e. Kan miphun ningin thla kan in campiak ko dah kaw.  Khuazing Pathian nih an duhpiak deuh mi maw si hnga.Kan in philh kho lai lo, kan in hlam zungzal ko lai. Na intuar a faak tuk cang, daiten vaa diin ko kun ne mu.

Dr. Hai Vung Lian nih a kan liam tak cu zumh a har ko. A leng ah ka hmu ballo nain a ca ka rel tawn. Chin ram caah a saduhthah zong tampi a rak ttial. A dam lai tiah kan orh lio ah a kan liam tak cu lung a zor kho tuk.

Naite zarh ah zaithiam Sang Hlun Thang nih Dehli ah a kan liam ve i zumh a har ko. Mi ttha mi fel le kan sian lomi hna cheukhat ko hi an kan liam tak a tuan khun. Sian an um lo tuk. Vawlei ah hin chikkhat te kan hon i tong ta hna i, chikkhat te ah kan i tthen tthan hna. Bawipa nih nunnak hi chikkhat te ca lawngah a kan hlanh. Bawipa rian ah sullam ngei tein an caan an hman i, nun man an ngei tuk tthiamtthiam.Taan takmi chungkhar Bawipa nih hnem hram ko hna seh!

Be the first to comment

Leave a Reply

Your email address will not be published.


*