Breaking Hakha Ministers hna umnak ah ralkap pakhat amah tein aa kapthat

April 23, 6:50 PM hrawng ah Ministers hna umnak (Vuanci Innyar) kutka (gate) ah ralkap pakhat amah tein a kapthat, tiah kan theih.

“A hmun ah kal in kan hmuhtheih mi a si lo i fiang in chim awk a har ngai. Kan hei theihchinnak ahcun ralkap pakhat nih gate hngak pawl kha a kah hna.  Meithal zong zuun 15 hrawng a puak rua.  Gate hngak pawl cu an zaam an ti.  Cun, Hniarlawn lam a si ca ah khikalei a kal mi zong an puahhnawh hna rua.  Cu ralkap cu a hnu ah amah le amah a thluak pawt lak in aa kap, an ti,” tiah khuami pakhat nih The Hakha Times ah a chim.

“Hi thawng hi Ralkap thawng a si bantuk in a hmun ah kal in thawng hlat awk a that lo ca ah a dik hrimhrim, tiah kan fehter kho lo. Meithal puah thawng kan theih mi le Palek/Ralkap motor chawhleh tu cu kan hmuh ko. Cun, a thi mi hi pakhat lawng si loin 3 an thi a ti mi zong an um,” tiah khuami pakhat nih a chim ve.The Hakha Times

Alaw Bum Nihin cu ka zei dek ti… KIA le Kawl rallo kap pawl tulio biatak tein an ithuatnak “Alaw Bum” kong ka lung ah a chuak ngai.

1997 i KIA an HQ Naphawh/Pajo rallo kap nih an rak lak hnu ah Alaw Bum ahhin sakhan tha ngai in an ser ti a si. Atu KIA an HQ Laiza he aa naih pinah Laiza khua miakpi in kahnak ah an hman theu mi a si. Cu caah KIA nih March thla chungah timh ciammam in an va lak.

Kawl rallo kap nih Battalion 1-2 hmang in an va kal hnawh than na’n atutiang cu an chei lo tiah theih a si. Na’n kum 30 leng an hman cangmi sakhan asi pinah an သိက္ခာကျ an iduh ter lai lo ti a fiang. Atuhi rallo kap cu Bahmo ah thong tampi an ipum cuahmah ti thawng zong a leng.

April thla dih cun Mitkyina လေတပ် sakhan in vanlawng le helicopter siseh, Bahmo kiangkap in miakpi ngan pi pi in siseh, cei lak an thuat lai. Cu hnuah minung thazang thong tampi hmang Myothit, Dawthponeyan tbk ka kip in an nam than te lai. Nunnak le thisen tampi aluang mi raltuknak kan phan te sual lai ti phan a um ko.Credit-Salai TK Lyan

Be the first to comment

Leave a Reply

Your email address will not be published.


*