Big Big Congratulations! Dr.Lian Hmung Sakhong & Dr.Sasa

National Unity Government thar ah kan Chin miphun chungin nanmah pa (2) nih cabinet rian lian pi nan liang cungah an in khinh hna tikah kan in lawmh pi hna.

Ka ngakchia lio tein kawl ralkap an tuah sernak a that lo zia ka theih peng.Hi ruangah ka nu le pa nih Mizoram ah  khua a kan sak pi. Ka nu nih India ram ah a kan liam tak i ka pa zong a tar cang. Na tuh mi na zun lai timi Baibal a zummi kan si. Ziah kawl ralkap hi an tuh mi atutiang an zun hnga lo?

An tuh mi zun ter dingah rian khinh nan si cang hi mu. Mipi ruah channak cu nan cungah aa fut cang hi mu. Nan raltha ko seh! Ralthat hi chawnh khawhmi zawtnak bantuk a si. Nan ral that cun hruaimi zong kan ral tha ve lai. Pathian zong nih mi ralchia cu a hmang hna lo khah! Nan miphun hawi nih nan hnu lei he nan siar lei he kan in dir pi peng ko hna. Kan tei lai!Credit-Dr.Pari

THAWHṬHAN NI :Matthai 28:1-8, 1Kor 15:20-22, Johan 11:25-26 Sabbath ni cu aa lim cang i zarh khat chung ni hmasa bik ni khuadei kate ah khin Marimagdalin le a dang Mari kha thlan va zoh awkah cun an kal. Chikkhatte ah khin li aa hnin i Bawipa vancungmi pakhat vancung in a rung ṭum i thlankhar kha a thawn i a cungah cun a ṭhu.

Vancungmi nih cun nu kha a thawh hna i, “Nan thinphang hlah u, vailam tahnak thing i khenh chihmi Jesuh nan kawl ti kha ka hngalh. Amah cu Hika ah hin a um ti lo, a chim bantukte khan a tho cang. Ra u law an chiahnak hmun hi ra zoh hmanh u.

Cucaah khulrang in va kal u law a zultu hna kha, thihnak in thawhter a si cang i atu cu nan hmaiah Galiliram ah a rak kal chung cang, khi ka ah nan va hmuh lai, tiah va chim hna u. Cun kan chimhmi hna hi philh hlah u,” tiah a ti hna.

Cucaah i hnawhnam ngaiin thlan khan an kir; an thin a phang pah an i lawm pah i a zultu hna va chinh awkah khan an le. Sihmanhsehlaw biatak cu hihi a si: ‘Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai,’ tinak aamahkhan a si.

Thihnak cu mi pakhat thawngin a tlun bantukin thawhṭhannak zong cu mi pakhat thawngin in a tlung ve. Adam he an i pehtlaihnak thawngin mi vialte cu an thih bantukin Khrih he an i pehtlaihnak thawngin mi vialte cu nunnak ah thawhter an si lai.

“Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung ṭhan lai. Cun ahohmanh a nung i keimah a ka zummi cu an thi bal lai lo,” a ti.A reltu nan dihlak Bawipa nih thluachuahnak in pe ko hna seh.Credit-Biak Lian Thawng

Be the first to comment

Leave a Reply

Your email address will not be published.


*