Biahalnak : Phunglam nih aho pawl i tuahmi sualpalhnak hi dah sualpalhnak ah chia loin a ngaihthiam hna mi an um el maw?

Biahalnak : Phunglam nih aho pawl i tuahmi sualpalhnak hi dah sualpalhnak ah chia loin a ngaihthiam hna mi an um el maw?

Lehnak : A tanglei mi pawl i tuahmi sualpalhnak cu phunglam nih sual ah a pompiak hna lo.A.Kum 10 a tling rih lo mi ngakchia tuahmi sualpalhnak cu phunglam nih sualpalhnak ah a pompiak hna lo. Child Rights Law S.78 a

Fianhnak Mah phunglam caangţhen nih kum 10 a tling rih lo mi ngakchia a si ahcun sual a si lo tiah fianghlang in a chim.Kum 10 tanglei ngakchia cu a chia, a ţha, a dik, dik lo timi thleidan khawhnak lungthin an ngeih rih lo ca mahti hin ngaihthiam nak a peknak a si.Upa nih kum 10 tanglei ngakchia kha sualnak tuah dingin a fial a si ahcun ngakchia cu a sualnak ngaihthiam a si lai nain a fialtu Upa cu amah bak nih sualnak a tuah bantuk in a bia ceihpiak a si lai.

B. Kum 10 – 12 karlak ngakchia nih a tuah lio ah a tuahmi kha zei a si ti a hngalh khawh lo ahcun sualnak a tuah zong ah punglam nih sualpalhnak ah a pompiak lo. Child Rights Law S.78 b

Tahchunhnak Kum 10 ngakchia kha Dawr ah a kal. Dawr chungah changreu pakhat aa laak i a kal diam. Mahti a laak mi cu thilfir a si timi a fiang lo. Fir ah a ruat lo. A khuaruah khawhnak nih a tlinh lo ca ah thil a fir mi cu sual ah pompiak a si lai lo.

C.A tuah lio ah ka tuahmi hi zei dah a si, zei bantuk dah a chuak kho, a dik/dik lo, phungkalh a si maw/si lo ti bantuk ruat kho lo tiangin a mawlhmi nih a tuahmi sualnak zong phunglam nih sualnak ah a pompiak lo. Penal Code S. 84.Fianhnak Mah caang hi a tuah lio ah a lung a mawlh i a dik/dik lo hngal kho lo tiangin a hrutmi pawl ca ngaithiam nak a si.

D. Amah hngalh loin asiloah lungtlinnak um lo bu in mi nih an tuahter/dinter ruangah a ri i a tuah lio ah zei dah a si, zei bantuk dah a chuak kho, a dik/dik lo, phungkalh a si maw/si lo ti bantuk ruat kho lo tiangin a ummi nih a tuahmi sualnak zong phunglam nih sualnak ah a pompiak lo. Penal Code S.85

Fianhnak Mah caang hi mah duhnak tel loin hramhram in mi nih dinter ruangah a ri tuk i a lung a mawlh lio ah sualnak a tuah a si ahcun ngaihthiamnak a si.

E.Punglam nih a pek mi mah le mah i runvennak ning in tuah mi sualnak zong sual ah pompiak a si lo. Penal Code S. 96 Mi pakhatkhat nih velh a kan timh tikah tlik thengmang a herh lo. Dir i rak i runven khawh a si. Velh a kan timtu nih a kan velh khawh lo ding tiang rak i ven khawh a si. I hum loin nan tli lai timi phung ah a um lo. Tlik zong ah velh a timtu nih vel loin a um lai ti khawh a si lo.The King V. Hla Maung. 1946 RLR,50 Credit-Salai Thangpi

Be the first to comment

Leave a Reply

Your email address will not be published.


*