Bawipa Thawng Longte Asi

Dear dawtu Chinmi dihlak,Hmasa bikah tthachin pakhat hnu pakhat a kan reltertu Bawipa sinah lawmhbia ka chim. Bawipa thawng longte an si dih.

Tutan thimnak ah teinak hmuhkhawh dingah Mea a kan petu dawtu dihlak cungah keimah pumpak in kaa lawmhnak langhter hmasa ka duh. Bawipa le dawtu mipi nan thawng longte asi. Bawipa nih thluachuah inpe ko hna seh.

Tutan Chinram le Chinmi aiawhtu ding thimnak ah teinak a kan hmuh piaktu Kapu Pa Siang Pa , Pu Ngun Vung le Ka u Sui , Pi Ni Sui Lian hikaa hmunin nan sinah lawmhnak capar ka rak langhter.

Chin Khua lakah san a tlai lobik le Khua fabik min a tthattertu le a cawisangtu nan si. Bawipa nih Chimram le Chinmi nan aiawh nakah a lamkip in Thlua inchuah hna sehlaw a kutcak in lam inhruai zungzal ko hna seh.

Chinram le Chinmi nan aiawh nakah Moses bang Bawipa aa sawm zungzal mi si i zuam uhlaw, Josef bang dinhnak a ttanh zungzal mi sihram ko uh.

Nan aiawhmi Chimram le Chinmi saduhthah tlinter le lawmhter kha a pakhatnak nan saduhthah le hmuitinh si zungzal hram ko seh. Thleidannak lungput ngei hin lo tein toidornak lungput he kar nan hlan khawhnak hnga Bawipa nih lam inhruai zungzal ko hna seh.

Bawipa nih Leitak khuami thlua a kan chuahmi le tthachin a kan relternak;1. Pi Za Tlem (2010-2015),2. Pi Ni Sui Lian (2015-2020-2025),3. Pu Ngun Vung (2020-2025),Lawmhnak tampi he,
Credit-Salai Chan Ceu Lian.

Be the first to comment

Leave a Reply

Your email address will not be published.


*