Bawipa nih a rem tiah cun kum thar hin cun ka album ka vun thok than cang lai

Chintube People Choice Award ah ka va tel kho ve! Hi thil hi a voikhatnak bik a si ko nain ka ruah ningnak in tampi a rak mak deuh. Kei hna cu lau nawn in ka va um. Hmailei ka hei cuanh cia ah khin Bawipa nih a rem tiah cun kan miphun caah uanthlar pi awk khuakhannak a si lai ti ka zumh.

Kei mah bel te nau ka pawi hnu le ka hmai a zen hnu in hawi sin ka chuahlangh lo nak a sau cun, ring awn he ka hlatnak a vun sau i ka ral a chia,ka re zong a thei ngai. Ka ruah lo leng in ka tonmi thil nih a vun ka chilh deuh ruang ah hla lei ah ka thazaang a rak der deuh ngai ti ka vun i fiang. Cun i zuam deuh than ding zong thazaang ka vun la than.

Bawipa nih a rem tiah cun kum thar hin cun ka album ka vun thok than cang lai.Mi tampi nih thla nan kan campiak lengmang ti hi ka zumh bakmi a si.Ka lawm tuk.Cun hi ka page nan follow,like, comment,share mi vial te nih ka tuahmi ah i zuam chin ding in thazang a ka pek zungzal. Nan za pi cung ah ka lawm tuk.

Ka bia dongh hlan te ah hi People Choice Award tuahkho ding in na saduhthah a tak in na tlin ter khawhmi cung ah Chintube ngeitu Rosie kan lawmhpi tak tak. Bawipa thawng in a si caah Bawipa nih sunparnak co ko seh! Kan miphun hi cawisan awk thlak tluk in cawisan kan thiam lo lio ah a lam pakhat nan kan sial piak a si tiah ka hmuh i pumpak in ka rak lawm tuk. Bawipa nih a ram le miphun caah in hmang chin ko seh.

Nan dihlak Bawipa nih thlawchuah in pe ko hna seh! Hmantlak-Ngun Ceu Uk Credit-Esther Van Hnem Sung

Be the first to comment

Leave a Reply

Your email address will not be published.


*