Bawipa Jesuh chuahnak Bethlehem kan tlawnnak:

Kan Bawipa Jesuh chuahnak hmun Caw rawl einak kungah kan va kal lio asi. A tu ka kut in ka tonghnak hmun khi a chuahnak hmun taktak cu asi. Hihi lungsau tein line up tuah lo cun, fawibai ah a hmun taktak tiang luh a har ngai. Hi tiang luh khawhnak dingah Phaisa zong tam deuh dih ahaumi asi.

Phak vekvek ah a leng men in zoh loin a chuahnak hmun tiangin kal cio dingin kan sawm hna. Minung hi nikhat ah a thongthong in an zohnak hmun asi caah lungsau tein line up tuah a herh. Cun rang deuh in a chuahnak hmun inn chung lei hi luh na duh ahcun, Poisa (agent ) sin ah phaisa tam deuh na pek lawngah tuan ah na lut kho lai.

Jerusalem in Bethlehem khua cu meng 6 ruk ahlatnak hmun ah aum. Joseph khua Nazareth in Bethlehem hi meng 70 a hlatnak ah a um ve. Jerusalem in Bethlehem(Palestine) cu ramdang asi caah, passport na ken than a hau. Hi hmun kal na duh ahcun anmah Palestinian mi na sawm hna hau. Isreal mi phun cu luh khawh an si lo.

Kal cio dingin kan sawm hna. Kal nan duh ahcun ruahnak tete kan in pek khawh hna lai. Kanmah lio bantuk in phaisa dih lo dingin ruahnak kan in pek khawh hna lai. Siaherhnak lianpi he,Credit-Moses T.Lian

Be the first to comment

Leave a Reply

Your email address will not be published.


*