Bawi Jesuh a zuartu, Judas Iscariot le Kawl ralkap le palik bantuk lungput a neimi Laimi Khrihfa lak ah kan tamtuk rih.

Hawi dawt, pumh cu vel ngai, vancung khua kai ding i i ruah fawn, piangthar ngai i i ruah fawn, Khrihfa ttha le tehte ttha ngai i i ruah fawn, Pathian sin in thluachuah hmuh i timh fawn tung i mah hlawknak le miaknak ding a si ahcun midang cungah tthat lonak a phun2 le din lonak a phun2 tuah le lih le hrokhrawl chim vial cu a poi ah ruah bak fawn lo hi fawh Khrihfa kan sinak vialte a hrawk dihtu a si cu/pakpalawng ah a canter dihtu a si cu.

Bawi Jesuh a zuartu, Judas Iscariot le Kawl ralkap le palik bantuk lungput a neimi Laimi Khrihfa lak ah kan tamtuk rih. Judas Iscariot nih ngun tangka 30 ruangah a Bawipa cu a zuar i thihnak tiang a phak ter. Kawl ralkap nih anmah ca tthatnak le hlawknak le uktu si duhnak le duhfah hakkauh tuk ruangah anmah unau miphun khat a simi lila cu tamtuk an thah ve cang hna cu.

Hawi dawt, Laimi zumtu Khrihfa hna, Lai miphun hi Pathian thluachuah relcawk lo a dongmi le miphun lianngan kan si khawhnak ding caah na miphun hawi cung lila ah tthat lonak a phun2 le din lonak a phun2 na tuah vemi hi ngol ve cang. Na ngol lo ahcun Lai miphun le Lairam a hrawktu le a khaangtu men na si ve ko lai. Duhfah hakkauh tuk cu siasal biak phunkhat a si. Na sining te ah khan lung-awi le lung diriam in umthiam tuk i zuam deuh. Mi nih thil ttha an tuah cuahmah lioah hrawktu si i zuam lengmang ve hlah Kawl ralkap le Judas Iscariot bantuk in.Credit-Van Tum

Be the first to comment

Leave a Reply

Your email address will not be published.


*