Avoi 46nk U.S President Joseph R. Biden, Jr

Kum 30 ah U.S senator a tling cang I, term 6 (kum 36) chung U.S senator a ttuan I, term 2 (kum 8) chung U.S VP a ttuan cang fawn i, a no liote in U.S ramkhel chung a lut cang I, hmunhma sang bikbik zong ah rian a ttuan cang mi, Joseph R. Biden,Jr hi zumhtlak le bochan khawh mi U.S President asi ko. Lawmhpi phu zong asi.

U.S president tthing hna tuanbia zoh tikah an khrihfa zumhnak hi zapi nih theihpi tlak ngaingai an umlo lio ah, khrihfa zumhnak kha fek thup in aa tlaih I, zarhpi ni fatin te Biakinn ah Pathian a thangtthat tawnmi U.S President hi an sum har fawn ko lai.

A dawtbikmi a nupi le fanu hna nih motor accident in mual an rak liamtak hlei ah, a fapa Beau Biden, Attorney General of Delaware nih 2015 ah an rak liamtak tthan. Hi vialte minung sinak in a fakbik ngaihchiat sungh zatlaknak hna a rak intuar khawhnak hi “ka zumhnk” ruang ah asi tiah a rak ti.

2020November 3, U.S ram pumpi President thimnak ni ah zingka a thawh le cangka in a panh hmasabik nak hmunhma cu Biakinn asi. Cun nizan Delewar in Washington DC lei a hung panh tthan hnu in a tuah hmasabik mi zong Covid-19 ruang ah nunnak a liam mi minung sing 4 hna upat pek asi rih.

President rian athawk hmasabik ni zingka ah a tuah hmasabik mi zong Biakinn fuh asi. Amah long hmanh siloin Democrat le Republican hruaitu cheukhat, tthatthi hmanh in aa chawn bia kho tilo mi hna Senate majority leader McConnell le Chuck Schummer, House minority leader McCarthy le Speaker Nancy Pelosi hna zong hmunkhat tein pumhtti a sawm chih hna.

Khah, a tawinak in cun :U.S mipi I fun tthannak ni a hung tlang tthan cang.Vawlei cung ah U.S limhang pi hmunhma lak tthannak rim a nam cang.Hruaitu asimi hna hmurka in tthencheunak sitiloin nun chimtu bia an chuak tthan cang lai.Mah le mah I faknak le I hlorhnak bia le hla vialte zong an lo dih cang lai dah.Pathian nih avoi 46nk U.S President Joseph R. Biden, Jr lam hruai ko seh.By-Kham Pi

Be the first to comment

Leave a Reply

Your email address will not be published.


*