Australia Ramah Lorian Ttuantu Dingah Kawlram Mi Papek In Auh A Timhnak Kong

Australia Ramah Lorian Ttuantu Dingah Kawlram Mi Papek In Auh A Timhnak Kong.Australia ramah Working Holiday visa aum i kumkhat in kumthum tiang extend (pehsauh)tuah in rianttuan khawh le umkhawhnak a si.

Zeidah aherhmi an si hna? Tanghra awng si lai,na ngandamnak a ttha lai, Mirang holh thiam theng hau lo. Suimilam 1 ah $ 18/20 na ngah lai,Full-time rian zong a um lai. Thlakhatah $ 3000 poh na hmuh khawh lai.

Zei rian dah? Rawldawr,tar zohkhenh le Lorian ( cinthlak) rian hna an si lai i kum 18 in kum 35 kar minung a si lai. Tuan deuhah cun Asia ramah hin Korea,Japan,Malaysia le Tuluk deuh lawng mah visa hi a bikin rak pek an si.

A tu ka hun taar hnawh chan bikmi cu. Agriculture visa ti si bang, Lo rianttuan tu ca hrimah visa thar hun mi si i ahlei in Kawlram mi duhsak/papek an si lai an ti. Virus um lio si bang,students visa le a dang professional visa an phih lio ah mah agriculture visa tucu hun/on asi lai an ti.

Australia nih visa phunphun an neih mi lakah A tu Working Holiday visa zong Code No. ning cun Subclass 417 tiah auhmi a si.

Ramdangah rian ka ttuan lai ti ahcun atanglei hna btk hi ruah hmasa le tuah herhmi an si hna.

Passport na ngei lai i rian na ttuan timhnak ram caah visa na sok lai. Agent service charge (puaisa nih tawlrel piak man tangka alakmi) a um lai i a ba, afang lole hnarcheu rak pek tbk ngah lai nain tu boruak ahcun aba tucu a ngah lem lai lo dah.

Na tangka ding le na dihheu dingmi tangka kong kha felfai tein ruat/tuak hmasa ta ding. Australia cozah zulhphung hna na buar si cun na ramah an in kir ter colh lai i na zeizong te ekte sungh in na sung dih lai tinak si cu.

Australia cozah website ah maw na sok lai; silo cun Australia ah ummi Migrant agent he pehtlai in dah na sok lai? nain zeiti na sok zongah kawlram lei Agent minung tucu na herh te ko lai.Mah tucu September 2021 ah afiangte lai.

Mah visa asokmi pohin hmuh/ngah dih si lai lo;Australia First Working Holiday Visa voikhatnak na sok tikah na ngah lo sual cun,a tanglei btk hin na sungh dingmi an um hna.

1nk.Passport caah na rak dihheu mi tangka.
2nk. Australia Visa caah Agent Service Charge na rak pekmi tangka le ttukttak tete na hmanmi hna tangka kha na sung vete lai.

Theih dingmi ; A cunglei ka langhter mi hna, abikin Lorian ttuan dingah kawlram mi papek an si lai tiah Cozah website langhter lio mi asi ko nain mah ka langhtermi hna a funtom tu ding bik cu; asi taktak/a fiang bak cang tiah fehter dingmi nithla tucu,September 2021 ah a site lai.

Note: Mah hi atling dih lo,September 2021 kan phak rih lo caah mu,a herh ningin thanh nolh(update) k arak I zuam te lai. kawlram in Australia kalnak ding tangka dih zat ding tbk hna.

Copy lo piak ka duh,A ruang cu mah tehi Chinmi caah tthahnem santlai sisual te hnga maw tiah siaherhnak he tiah hnawhsare in ka vun lehmi a si.Share awk tlak ko na ti sile na hawinu pa theih ve dingah rak share ve te. Laaknak William HC

Be the first to comment

Leave a Reply

Your email address will not be published.


*