Australia Hakha-Thantlang lei u le nau hna

Kan pengtlang ca cawlcangh hi cu ngol deuh hna uh sih law Mindat hi zuan hnawh deuh hna uh sih tiah kan sawm ko hna. Bomh an herh tuk hringhren lio caan a si. An khua an chuah tak thluahmah cang. An upa te he meeting voi tampi kan tuah cang. A ra lai mi zongah kan tuah rih lai.

Kan mah sin ah bomhnak pek khawh zong a si. Matu lei cu kan sin ah bomhnak an pek cuahmah cang. Atu zong Ting 80 hrawng kan kuat chung cang hna.

Kan pengtlang ca cawlcangh hi a tha ko. Asinain, Mindat bantuk thil an ton tikah fak piin kan zuam hnawh ve ko hna lai.

Hi tluk kan unau an thih cuahmah zongah kan pengtlang pin i mit kan au lo ahcun a poi tuk ding khi a si.

Mindat – Senthang le Hakha siseh, Falam lei zong Mindat le Senthang bantuk a fah deuh tikah fak piin kan zuan hnawh hna lai.

Kan $$ 10 hi a biapi tuk hringhren ko hih.
Mindat ca’h bomhnak pek a duh mi cu kan Council bank details pek khawh nan si.Sang Hre

LAIMI kan nauta lo dakaw.Laimi cu Pathian nih a kan dawt i khuika hmun poh ah kan um kho.

Zeipoh kan ei kho dih.  Rawl lo ti lo zong in a um khomi kan si. Ramlak thingkung tang zongah a riak khomi kan si. Chantling lo le ihphah  lo zong in lung le thing lak ah a it khomi kan si.

Vomkhuai ngalhriang a tih lomi kan si. Zuu le vasa a eimi kan si. Zeitik hmanh ah mi aa bochanmi kan si bal lo.

Zei kan tuah poh ah  khuika hmun kan phanh nak kip ah Pathian a kawl pengmi kan si. Aa bawmmi miphun kan si. Micung ah kut a thla hmasa mi kan si bal lo.

Kawlram miphun lakah a hme bik kan si nain a thawng bik kan si. Kan pupa chan in nihin chan tiang mi tih cal a kep lomi kan si.

Kawl mipi hmanh nih an tei kho lomi mirang ral a teimi kan si. Kan Vawlei cia ah mi zeihmanh an lar kho lo.

Atu ah Lai lei kan unau tampi ramlak ah nan um ti thawng kan theih. Kan lung a tha lo. Nan duh kan duhmi zong a si lo.

Nan umnak hmun poh ah tihnak ngei lo tein nan um lai ti ka zumh. Laimi caah ramlak um kha thil thar a si lo i kan caah a hartuk mi zong a si fawn lo.

Teinak kan hmuh tik ah kan hmai a hngal ve te lai. Chim ding tampi nan ngei ve te lai.
LAIMI kan nauta lo.By Tluang Ceu Thang

Be the first to comment

Leave a Reply

Your email address will not be published.


*